Պիցցա Ցեզար դրոժով խմորով. Շատ պարզ պատրաստվող ուտեստ, որի հանդեպ պիցցայի երկրպագուները չեն կարողանա անտարբեր մնալ: Այս բաղադրիչներից ստացված խմորով կարելի է պատրաստել 3 պիցցայի համար, իսկ լցոնի բաղադրիչները և սոուսը` մեկի համար:
Խմորի այս բաղադրատոմսը փորձելով կհամոզվեք, որ խմորի մեջ պետք չէ փոխարինել ձիթապտղի յուղն ուրիշ յուղով, քանի որ ձիթապտղի յուղով այն հատկապես համեղ է, նուրբ, փխրուն է եզրերին իսկ ներսից քնքուշ է: Այս խմորը հեշտությամբ ձգվում է ցանկալի չափի, և պատրաստվելիուց հետո ռետինի նման չի դառնում նույնիսկ սառչելիս:
Լցոնը նույնպես լավն է, բայց Ցեզարի սոուսը հատկապես հետաքրքիր է այս բաղադրատոմսում: Փորձեք այն, պիցցայի սիրահարներ: Վստահ եմ, որ ձեզ դուր կգա այս բաղադրատոմսը: Այս պիցցան պարզվեց, որ շատ ավելի համեղ է, քան մինչ այս փորձել էի:
Պիցցա Ցեզար. Անհրաժեշտ բաղադրիչներ
խմորի համար
- Ցորենի ալյուր 250 գր
- Ալյուր պիցցայի համար 200 գր
- Ջուր 230 մլ
- Ձիթապտղի յուղ 35 գր
- Չոր խմորիչ 2 գր
- Աղ 2 գր
Պիցցա Ցեզարի սոուսի համար
- Ձիթապտղի յուղ 40 գր
- Աղ ըստ համտեսի
- Կապերսներ 10 գր
- Ձվի դեղնուց 1 հատ
- Անչոուս 5 գր
- Պարմեզան10 գր
- Դիժոնյան մանանեխ 0,5 թեյի գդալ
- Գինու քացախ սպիտակ 0,5 թեյի գդալ
- Սխտոր 0.5 պճեղ
- Աղացած սև պղպեղ` ըստ համտեսի
Լցոնի համար
- Ձիթապտղի յուղ 10 գր
- Պարմեզան 20 գր
- Մոցարելա 120 գր
- Հավի կրծքամիս 100 գր
- Հազարի տերևներ 50 գր
Պիցցա Ցեզար. Պատրաստման եղանակը
Խմորի համար ավելի լավ է սովորական ցորենի ալյուր և պիցցայի հատուկ ալյուր վերցնել, որովհետև դրա մեջ հացահատիկի սոսնձանյութի պարունակությունը 12-14,5 % է: Պետք է վերցնել գոլ ջուր՝ 35-39 աստիճանի (ոչ թե տաք, այլապես խմորիչը կմեռնի և խմորը չի գործի):
- Խմորիչը մանրակրկիտորեն լուծել գոլ ջրի մեջ:
- Խառնել ցորենի ալյուրը և պիցցայի ալյուրը, մաղել: Մաղած ալյուրը բուրգ անել, մեջտեղում փոսիկ անել, մեջը լցնել ձիթայուղ և աղ:
- Խմորը հունցել ձեռքերով, աստիճանաբար ավելացնելով խմորիչով ջուրը: Ստացվում է փխրուն, առաձգական խմոր, որը պետք է գնդել:
- Այնուհետև պիցցայի խմորը բաժանել երեք հավասար մասի և գնդել յուրաքանչյուր մասը: Ծածկել պիցցայի խմորը մաքուր սրբիչով և թող 1 ժամ մնա: Այս ընթացքում այն կմեծանա մոտ 2 անգամ: Դրանից հետո խմորը կարող է օգտագործվել պիցցա պատրաստելու համար:
- Այժմ պետք է պատրաստել Ցեզարի սոուսը. Քերել պանիրը նուրբ քերիչով, մանր կտրատել սխտորը, անչոուսները: Առանձին ամանի մեջ հարել ձվի դեղնուցը և դրա մեջ նրբորեն խառնել մնացած բոլոր բաղադրիչները:
- Մթերքներ լցոնի համար. Լվանալ և ցամաքեցնել ռոմանոյի սալաթը: Հավի կրծքամիսը նախապես եփել աղ արած ջրի մեջ:
- Պարմեզանը քերել: Ռոմանո սալաթը կամայականորեն պատառել ձեռքերով փոքր կտորների, վրան լցնել ցեզար սոուսով:
- Մատներով ձգել խմորի շրջանակը աշխատանքային մակերեսի վրա: ստացվում է բարակ կլոր նրբաբլիթ 30 սմ տրամագծով:
- Զգուշորեն տեղափոխել այն տապակի վրա, ուղղելով եզրերը, որպեսզի այն կոկիկ և կլոր տեսք ունենա:
- Վերևից խմորի վրա քսել ցեզար սոուս, շաղ տալ քերած մոցարելլա պանիր և հավի կրծքամսի կտորներ:
- Պիցցերիայում պիցցան թխվում է հատուկ ջեռոցում 400 աստիճանի տակ, մինչև լիովին եփվի: Մենք կարող ենք սովորական ջեռոցում թխել 250 աստիճան ջերմաստիճանում` մինչև կարմրի:
- Պատրաստի պիցցան կտրեցինք սուր պիցցայի դանակով ութ մասի: Պիցցայի գագաթին դրեք համեմված Ցեզար աղցան, վրայից լցնել քերած պարմեզան պանիր: Պիցցայի եզրերը յուղել ձիթայուղով:
Պիցցա Ցեզարը դրոժով խմորով պատրաստ է: Վայելեք:
Բարի ախորժակ:
Տեսանյութ
Համեղ պիցցա
