Ջեռոցում եփված խոզի կողիկներ. Նուրբ և հյութեղ խորտիկ տոնական տրամադրության համար

Ջեռոցում եփված խոզի կողիկների պատրաստման այս բաղադրատոմսը շատ պարզ է, բայց դրա հիմնական առանձնահատկությունն այն է, որ ստացվող ուտեստը շատ համեղ է և անուշաբույր:

Դուք կարող եք սիրել խոզի միս, կարող եք չսիրել, կարող եք ընդհանրապես չուտել, բայց ջեռոցում այս եղանակով պատրաստված կողիկները հաստատ  դուր կգան, փորձեք:

Ջեռոցում եփված խոզի կողիկներ. Անհրաժեշտ բաղադրիչներ

_Խոզի կողիկներ — 1 կգ

_Սոյայի սոուս — 2 ճաշի գդալ

_Խմելի սունելի — 0,5 թեյի գդալ

_Կարրի — 0,5 թեյի գդալ

_Սխտոր — 2 պճեղ

_Թարմ ուրց (կարելի է նաև օգտագործել չորացրածը)

_Աղ, պղպեղ` ըստ համտեսի

Ջեռոցում եփված խոզի կողիկներ. Ինչպես է պատրաստվում

_Սկզբի համար անհրաժեշտ է կողիկները հարմար չափաբաժին մասերի բաժանել, լվանալ և լավ չորացնել թղթե սրբիչով:

_Պատրաստել այն խառնուրդը, որով պետք է պատել կողոսկրերը: Դրա համար պետք է կճպել սխտորը, մանր կտրատել դրանք կամ անցկացնել սխտորի ճզմիչով: Այնուհետև խառնել բոլոր չոր համեմունքները` կարրի, խմելի սունելի, աղ, պղպեղ և թարմ ուրց, որից պետք է վեցնել միայն տերևիկները:

_Այնուհետև սոյայի սոուսը ավելացնել համեմունքների խառնուրդին, խառնել և քսել կողիկներին: Իդեալում, համեմունքային խառնուրդով քերած կողիկները պետք է դրվեն սառնարանում` մարինացվելու համար, այնպես որ ցանկալի է ամեն ինչ անել նախօրեին: Բայց եթե այնպես է ստացվել, որ բավարար ​​ժամանակ չկա, թողեք մնա առնվազն 15-20 րոպե:

_Ջեռոցը նախապես տաքացրեք 200 ° C ջերմաստիճանի: Դնել կողոսկրները տապակի վրա և ջեռոցում դնել 35-40 րոպե: Այդ ժամանակն անցնելուց հետո կողոսկրերը պատրաստ են, դրանք ստացվում են ոսկեգույն և ախորժաբույր:

Ահա այսքան հեշտ է պատրաստել չքնաղահամ ուտեստը:

Ջեռոցում եփված խոզի կողիկները պատրաստ են: Դրանք կարող եք մատուցել թարմ բանջարեղենով, կամ առանց կողային ուտեստի` միայն մանանեխով և ծովաբողկով:

Բարի ախորժակ:

Տեսանյութ

Խոզի միս ջեռոցում