Առաջարկում ենք տնական Ռատատու ջեռոցում պատրաստելու պարզ տարբերակ:
Ռատատուն ֆրանսիական խոհանոցում բավականին հայտնի ուտեստ է, բայց մենք ուզում ենք ձեզ առաջարկել թխած ռատատուի շատ համեղ, գեղեցիկ և հեշտ եփվող տարբերակը։ Բառացիորեն երկու քայլ, և ճաշատեսակը կփայլի վառ համով:
Ռատատու ջեռոցում. Բաղադրիչներ
_Սմբուկ — 1 հատ
_Բուլղարական պղպեղ — 1 հատ
_Սոխ — 1 հատ
_Երիտասարդ դդմիկ — 2 հատ
_Լոլիկ — 2 հատ
_Սխտոր — 3 պճեղ
_Ձիթապտղի յուղ — 4 ճաշի գդալ
_Սև պղպեղ — ըստ ճաշակի
_Աղ — ըստ ճաշակի
Ռատատու ջեռոցում. Պատրաստման եղանակը
_Լվացեք բոլոր բանջարեղենները, չորացրեք և կտրեք փոքր խորանարդիկներով: Սա առաջին կետն է, որի վրա պետք է ուշադրություն դարձնել, մասնավորապես, մանր կտրատել բանջարեղենը:
_Առանձին մի կողմ ենք դնում մանր կտրատած լոլիկը, իսկ մնացած բանջարեղենը խառնում ենք, համեմում բուսայուղով, աղով և պղպեղով։
_Ցանկության դեպքում համեմեք ձեր սիրած համեմունքներով։
_Ջեռոցը տաքացրեք 230 աստիճան, մեզ պետք է բարձր ջերմաստիճան, որպեսզի բանջարեղենը չմնա շոգեխաշման ռեժիմում, այլ տապակվի, թխվի, սա երկրորդ կետն է, որի վրա ուզում էի ձեր ուշադրությունը հրավիրել։
_Բանջարեղենը շարել լայն թխման տապակի վրա և դնել ջեռոցում։
_15 րոպե հետո բանջարեղենը խառնել, վրան լցնել լոլիկը։
_Թխելու տապակը նորից դնել տաք ջեռոցում և հասցնել պատրաստի վիճակի։
_Թխելու ամբողջ գործընթացը կտևի մոտ կես ժամ։ Որպեսզի բանջարեղենը չայրվի, անպայման խառնեք։
Թխած ռատատուն համեղ է ինչպես տաք, այնպես էլ սառը վիճակում:
Վայելե՛ք։
Տեսանյութ
Կարտոֆիլը ջեռոցում
