Ռուլետաձև չեբուրեկներ. Համեղ և արագ պատրաստվող նախուտեստ

Ռուլետաձև չեբուրեկներ նախուտեստը շատ համեղ է, քնքուշ, միջուկը՝ հյութալի և ախորժելի։

Սա կաթնաշոռով խմորի ամենակատարյալ բաղադրատոմսերից մեկն է:

Ռուլետաձև չեբուրեկներ. Անհրաժեշտ բաղադրիչները

_Կաթնաշոռ 250 գր

_Ձու 2 հատ

_Փխրեցուցիչ 1 թեյի գդալ

_Բուսական յուղ 2 ճաշի գդալ

_Ալյուր մոտ 350 գր

_Աղ ըստ ճաշակի

Միջուկը պատրաստելու համար

_Աղացած միս 400 գր

_Սոխ 1 հատ

_Սխտոր 2 պճեղ

_Աղ, պղպեղ, համեմունքներ և խմելի սունելի՝ ըստ ճաշակի

Ռուլետաձև չեբուրեկներ. Պատրաստման եղանակը

_Կաթնաշոռը խառնել բուսական յուղի, ձվի և փխրեցուցիչի հետ։

_Զանգվածը կարելի է հարել ընկղմվող բլենդերով կամ պարզապես տրորել պատառաքաղով։

_Ալյուրը մաղել և մաս-մաս լցնել զանգվածի մեջ, հունցել փափուկ և ճկուն խմորը։

_Հնարավոր է անհրաժեշտ լինի ավել կամ պակաս ալյուր, քան նշված է: Ամեն ինչ կախված է կաթնաշոռի խոնավության պարունակությունից, պարզապես խմորը ալյուրով մի՛ պնդացրեք, այն պետք է լինի առաձգական և ճկուն:

_Աղացած միսը համեմել մանր կտրատած սոխով, աղով, պղպեղով և համեմունքներով։

_Խմորը գրտնակել բարակ շերտով և հավասար տարածել մսային միջուկը և ռուլետաձև փաթաթել, եզրերը սեղմել։

_Կտրատել 1 սմ հաստությամբ կտորներով։

_Տապակը տաքացնել բուսայուղով, տապակել երկու կողմից՝ մինչև ոսկեգույն դառնալը։

Այսպիսի համեղ և ախորժելի խորտիկը մատուցում եմ թթվասերով, կարագով, սամիթով մայոնեզի սոուսներով կամ պարզապես թեյի հետ։

Բարի ախորժակ:

Տեսանյութ

Մակարոն լցոնած սմբուկով աղացած մսով