Սերուցքով համեղ կոլոլակ. Ամենաքնքուշ ճաշը, որ կարող եք արագ պատրաստել

Սերուցքով համեղ կոլոլակ. Սա մատուցենք երբ հաճելի հյուրեր պիտի ունենանք, կամ, երբ ուզում ենք տպավորիչ երեկո կազմակերպել ընտանիքի անդամների համար:

Այս քնքուշ ճաշը կարելի է արագ պատրաստել, առանց մեծ ջանքերի: Նման կոլոլակները կատարյալ են ինչպես երեխաների ճաշացանկի, այնպես էլ մեծահասակների սեղանի համար: Նման կոլոլակները սովորականից ավելի համեղ են, դրանք պատրաստողն այնքան հաճոյախոսություններ կստանա, որ հաստատ չի փոշմանի:

Սերուցքով համեղ կոլոլակ. Բաղադրությունը

_աղացած միս — 800 գր

_սոխ — 2 հատ

_ձու — 1 հատ

_չորահաց — 2 ճաշի գդալ

_աղ — 1 թեյի գդալ

_պղպեղ — 0,5 թեյի գդալ

_ալյուր — 2 ճաշի գդալ

_արգանակ — 200 մլ

_սերուցք — 400 մլ

Սերուցքով համեղ կոլոլակ. Քայլ առ քայլ բաղադրատոմս

_Շատ մանր կտրատել սոխը և տապակել բուսական յուղի մեջ մինչև դառնա ոսկեգույն:

_Ամանի մեջ դնել աղացած միսը, ավելացնել ձուն, չորհացը, աղը, պղպեղը և տապակած սոխը:

_Ամբողջ զանգվածը ձեռքերով լավ խառնել, հունցել, որ զանգվածը հնարավորինս միատարր լինի, ստացված զանգվածից պետք է փոքրիկ կոլոլակներ ձևավորել:

_Տապակել կոլոլակները բուսական յուղով, բոլոր կողմերից, որ ստացվի գեղեցիկ կեղև:

_Հանել կոլոլակները և շարել առանձին ամանի մեջ և նույն յուղի մեջ ավելացնել 2 ճաշի գդալ ալյուր: Ալյուրը բովել 2 րոպե և ավելացնել արգանակը:

_Ալյուրի և արգանակի խառնուրդին խառնել սերուցք, որը կարող է լինել ցանկացած յուղայնության:

_Ստացված սոուսի մեջ ավելացնել տապակված կոլոլակները:

_Ծածկեք կափարիչով և ցածր կրակի վրա թող շոգեխաշվի մոտ 15 րոպե:

_Սերուցքով համեղ կոլոլակները արդեն պատրաստ են, դրանք շատ համեղ և քնքուշ են ստացվում:

Բարի ախորժակ և լավ տրամադրություն ձեզ:

Տեսանյութ

Կոլոլակով փլավ