Սմբուկը Պարմեզանով. Հունական ոճով այս ուտեստը ձեզ անպայման դուր կգա իր նրբությամբ ու համի հարստությամբ:
Եթե ցանկանում եք հաճույք պատճառել ձեր սիրելիներին թեթև բուսական ուտեստով, հունական ոճով պատրաստեք սմբուկը պարմեզանով, լոլիկով, սոուսով, և կանաչիներով, սա այն է, ինչ ձեզ հարկավոր է ձեր սեղանի համար: Պատրաստման համար կծախսեք մոտ մեկ ժամ:
Սմբուկը Պարմեզանով. Ձեզ հարկավոր կլինի
- 2 մեծ սմբուկ
- 4 լոլիկ
- 1 փունջ կանաչ սոխ
- 150 գր ֆետա պանիր կամ մոցարելլա
- 50 գր կոշտ պանիր վրան քերելու համար
- 3 — 4 պճեղ սխտոր
- աղ
- աղացած սև պղպեղ
- 1 թեյի գդալ շաքար
- ձևավորման համար համեմ կամ մաղադանոս
- ձիթայուղ
Սմբուկը Պարմեզանով. Պատրաստման եղանակը
- Լվանալ բանջարեղենը և կանաչիները հոսող ջրի տակ: Կտրել սմբուկը երկայնքով, զուգահեռ շերտերով, չհասնելով պոչին, այնպես որ բոլոր շերտերը միասին կպած մնան, 10 րոպե աղաջրի մեջ թողեք, որ ավելորդ դառնությունը դուրս գա:
- Կտրատել լոլիկը, մոցարելլան` օղակներով, կանաչ սոխը մանրացնել, աղ անել և լավ խառնել:
- Սմբուկը հանել ջրից, լցնել դրանց կտորների արանքում լոլիկի, մոցարելլայի օղակները, նույն կերպ դնել սոխը:
- Զգուշորեն, որպեսզի չխառնվի լցոնումը, սմբուկը դնել ձիթայուղ քսած տապակի վրա:
- Սոուս. Կտրատել մնացած լոլիկները փոքր խորանարդիկներով, ճզմել սխտորը դրա մեջ, աղ, պղպեղ անել, խառնուրդին ավելացրեք շաքարավազ, խառնել և 3-5 րոպե եփել ձիթայուղով տապակի մեջ:
- Սոուսը լցնել սմբուկի վրա և քերել դրա վրա 50 գր կոշտ պանիր: Ջեռոցում թխել 40-50 րոպե մինչև վերջնական եփվի:
- Զարդարել թարմ կանաչիներով:
Սմբուկը Պարմեզանով պատրաստ է:
Բարի ախորժակ: