Սմբուկով Պարմիջիանա պատրաստենք, այն ունի զարմանալի համ: Պարմիջանան իտալական ուտեստ է, որը պատրաստվում է սմբուկով, կծու տոմատի սոուսով և շատ պանրով: Եվ դուք չեք կարողանա բավարարվել մեկ պատառով:
Բանջարեղենի և պանրի շերտերին պետք է քսել տոմատի սոուս։ Այն կարող եք ինքներդ պատրաստել՝ գնելով մի քանի լոլիկ, ռեհան և սխտոր։ Բայց, ժամանակ չկորցնելու համար կարելի է նաև խանութից գնել արդեն պատրաստի սոուսը։ Ինքներդ որոշեք։
Սմբուկով Պարմիջիանա. Բաղադրիչներ
_Սմբուկ 4 հատ
_Լոլիկ 6 հատ
_Մոցարելլա 150 գ
_Ձիթապտղի յուղ ըստ ճաշակի
_Ռեհան՝ ըստ ճաշակի
_Պարմեզան 15 գ
_Սխտոր 2 պճեղ
_Աղ՝ ըստ ճաշակի
_Սև պղպեղ (աղացած)՝ ըստ ճաշակի
Սմբուկով Պարմիջիանա. Պատրաստման եղանակը
_Սմբուկը լավ լվանալ, չորացնել և կտրել բարակ շերտերով: Աղ անել, լցնել ամանի մեջ և թող մնա 15 րոպե։
_Այնուհետև բանջարեղենից քամել բաց թողնված հյութը, թույլ քամում և դնում մետաղյա ցանցի վրա։
_20 րոպեով դնել 180 աստիճան տաքացրած ջեռոցում։
_4 լոլիկ կտրատել փոքր խորանարդներով և լցնել թավայի մեջ։ Ավելացնել ձիթապտղի յուղ:
_Ճզմել սխտորը, լցնել այն լոլիկի վրա։ Ըստ ճաշակի ավելացնել աղ և աղացած սև պղպեղ, մանրակրկիտ խառնել։
_Եռալուց հետո կրակն իջեցնել և եփել լոլիկը ևս 15 րոպե։
_Այնուհետև ռեհանի տերևները մանր կտրատել և ավելացնել թավայի մեջ։ Ամեն ինչ լավ խառնել։
_Մնացած լոլիկը կտրատել օղակներով, մոցարելլան՝ փոքր շերտերով։ Մանր քերիչով քերել պարմեզանը։
_Թխելու ձևամանի մեջ լցնել մի քիչ տոմատի սոուս և հավասարաչափ տարածել այն։ Դրանից հետո դնել սմբուկի շերտը:
_Վրան դնել կտրատած լոլիկները: Շաղ տալ մի քիչ պարմեզան։ Այնուհետև կրկին ավելացնել մնացած տոմատի սոուսը և հարթեցրեք այն՝ օգտագործելով խոհարարական բահիկ կամ գդալ:
_Լցնել ամբողջ պարմեզանը՝ հավասարաչափ բաշխելով։ Դնել լոլիկի շերտերը: Վրան դնել մոցարելլայի կտորներ:
_20-25 րոպեով դնել 180 աստիճան տաքացրած ջեռոցում։
Այս իտալական ուտեստը խելահեղ համեղ է ինչպես տաք, այնպես էլ սառը վիճակում:
Բարի ախորժակ:
Տեսանյութ
Իմամ բայալդի
