Կպատրաստենք համեղ սմբուկ աղացած մսով, բուրավետ և կծու լոլիկի սոուսով, սխտորով և պապրիկայով։
Ճաշատեսակը հաճելի և օգտակար կլինի, քանի որ այն պետք է տապակել ջեռոցում։
Սմբուկ աղացած մսով. Անհրաժեշտ բաղադրիչները
_Աղացած միս 500 գր
_Սմբուկ 1 կգ
_Սոխ 1 հատ
_Աղ, պղպեղ՝ ըստ ճաշակի
_Բուսական յուղ՝ ըստ ճաշակի
Սոուսի համար
_Լոլիկ 2 հատ
_Սխտոր 2 պճեղ
_Պապրիկա 1 թեյի գդալ
_Աղ, կանաչիներ՝ ըստ ճաշակի
Սմբուկ աղացած մսով. Պատրաստման եղանակը
_Սմբուկը լվանալ, 2 մասի կիսել ու մեջտեղը փորել, որ նավակ ստացվի, դնել աղաջրի մեջ։
_Սմբուկի միջուկը մանրացնել, խառնել տապակած սոխի, աղացած մսի, աղի, պղպեղի, պապրիկայի, մանր կտրատած կանաչիների և այլ համեմունքների հետ։
_Սմբուկով նավակները ներսից և դրսից չորացնել թղթե սրբիչներով և դնել ջեռոցի ամանի մեջ:
_Դրանք լցոնել միջուկով։
_Լոլիկները մեկ րոպե թողնել եռման ջրի մեջ, ապա հանել, հեռացնել կեղևը և կտրատել խորանարդներով։
_Տապակել թավայի մեջ քիչ քանակությամբ բուսական յուղով, ավելացնել մանր կտրատած սխտորը, աղն ու պղպեղը՝ ըստ ճաշակի, պապրիկան և կանաչիները։
Հուշում. Ընդհանրապես, ճաշատեսակի համար վերցրեք ձեր սիրած համեմունքները մսի և բանջարեղենի համար, այդպես այն շատ բուրավետ կլինի:
_Լոլիկի զանգվածը բլենդերով մանրացնել ու լցնել սմբուկի վրա։
_Տապակը դնել 180 աստիճան տաքացրած ջեռոցը և թխել 35 րոպե։
_Հանել, ցանել մանր կտրատած կանաչիներ և մատուցել։
_Այս սմբուկները կարելի է մատուցել ցանկացած կողմնակի ուտեստների և աղցանների հետ։
Բարի ախորժակ:
Տեսանյութ
Լցոնած սմբուկ
