Սնկով բեֆստրոգանով. Անչափ համեղ, նուրբ ու հագեցնող ճաշատեսակ

Դուք անպայման պատրաստեք Սնկով բեֆստրոգանով, մինչ փորձագետները վիճում են, թե ով, երբ և որտեղ է իրականում հորինել բեֆստրոգանովը )

Մենք հաստատ գիտենք 2 փաստ: Առաջինը` հայտնի ուտեստը ներառված է համարյա բոլոր եվրոպական բարձրակարգ ռեստորանների ցանկում: Երկրորդը` սիրող խոհարարներից շատ քչերը չեն պատրաստել այս ուտեստն իրենց խոհանոցում:

Պարզ, ախորժելի, բայց զարմանալիորեն հավասարակշռված բեֆստրոգանովը կատարյալ է ճաշի կամ ընթրիքի համար: Այն լավ համադրվում է բրնձի, հնդկաձավարի, փափուկ կարտոֆիլի պյուրեով կամ խրթխրթան կարտոֆիլով կարկանդակի հետ:

Սնկով բեֆստրոգանով. Անհրաժեշտ բաղադրիչները

_Տավարի փափկամիս 500 գ

_Շամպինիոն 200 գ

_Սոխ 1 հատ

_Թթվասեր 2 ճաշի գդալ

_Ցորենի ալյուր 1 ճաշի գդալ

_Տավարի արգանակ 200 մլ

_Արևածաղկի ձեթ 1 ճաշի գդալ

_Աղ` ըստ ճաշակի

_Սև պղպեղ (աղացած)` ըստ ճաշակի

Սնկով բեֆստրոգանով. Պատրաստման եղանակը

_Միսը լավ ծեծել մուրճով և կտրել բարակ շերտերով: Տաքացրեք յուղը հաստ հատակով կաթսայի մեջ, միսը թեթևակի շագանակագույն դառնալուց հետո հանել կաթսայից և մի կողմ դնել:

_Կտրել սունկը, տապակել թավայի մեջ 3 րոպե: Մանր կտրատած սոխ ավելացնել, եփել 5 րոպե:

_Արգանակը լցնել այն կաթսայի մեջ, որտեղ միսը տապակվել է:

_Դնել կրակին, եռացնել: Միսը և սոխը սնկի հետ վերադարձնել կաթսայի մեջ, ավելացնել համեմունքներ, ալյուր և շոգեխաշել այնքան ժամանակ, մինչև որ միսը փափկի՝ մոտ 10 րոպե:

_Պատրաստ լինելուց 2 րոպե առաջ ավելացնել թթվասերը: Անջատել կրակը, թողնել կերակուրը կափարիչի տակ, որպեսզի ևս մի քանի րոպե եփվի:

Ցանկության դեպքում կարող եք ավելի շատ համեմունքներ ավելացնել բեֆստրոգանովին: Համն ավելի ինքնատիպ կդառնա:

Սնկով բեֆստրոգանովը պատրաստ է:

Փորձեք և կիսվեք ձեր տպավորություններով ձեր ընկերների հետ:

Բարի ախորժակ:

Տեսանյութ

Համով խաշլամա