Ցուրտ եղանակին հիանալի գաղափար է տաք Սնկով լոբապուր պատրաստելն ու դրանով ընտանիքին կերակրելը:
Սնկով և լոբով, հարուստ համով ապուրը պատրաստվում է արագ և հեշտությամբ և շատ հագեցնող ու էներգետիկ առումով գոհացուցիչ է:
Սնկով լոբապուր. Բաղադրիչները
_ Ձիթապտղի յուղ — 3-4 ճաշի գդալ
_ Դափնու տերև — 1 հատ
_ Չիլի պղպեղ (եթե մեծ է — 1/3 մաս) — 1 հատ
_ Սխտոր — 4 պճեղ
_ Սունկ — 400 գ
_ Լոբի — 400 գ
_ Մաղադանոս (ըստ ճաշակի)
_ Աղ, աղացած սև պղպեղ
_ Ջուր — 2 լ
Սնկով լոբապուր. Պատրաստման եղանակը
_ Լոբին նախապես թրջել (կարող եք թողնել ողջ գիշեր), եռացնել երկու լիտր ջրի մեջ, ջրի մեջ ավելացնել դափնու տերև, վերջում աղ անել։
_ Լոբու կեսը հանել, բլենդերով խյուս անել և նորից լցնել արգանակով կաթսայի մեջ։
_Տապակի մեջ տաքացնել ձիթապտղի յուղը, մեջը տապակել դանակի հարթ կողմով տրորված երկու պճեղ սխտոր, չիլի պղպեղ։
_ Տապակելուց և ոսկեգույն երանգ ստանալուց հետո հանել թավայից և դեն նետել, սխտորն ու պղպեղն արդեն իրենց համն են տվել ձեթին, և դրանք մեզ այլևս պետք չեն լինի։
_ Մաքրված, լվացված և մանրացրած սունկը տապակել յուղի մեջ մինչև համեղ դարչնագույն կեղևը, աղ անել
_Կաթսայի մեջ ավելացնել սունկը։
_Ամեն ինչ միասին եռացնել ևս 10 րոպե։
_Վերջում ավելացնել թարմ կտրատած մաղադանոսը, մանր կտրատած սխտորը և թարմ աղացած սև պղպեղը։
_Անջատել կրակը և թող ապուրը թրմվի տասը րոպե։
Մատուցել սխտորով չորահացերի հետ:
Եթե ձեր ապուրի համար ավելի բաց գույնի արգանակ եք ուզում, ապուրը եփեք սպիտակ լոբով:
Կարմիր լոբու դեպքում, եռացնելուց հետո առաջին ջուրը քամել, հետո լոբին լցնել 2 լիտր եռման ջրի մեջ և եփել ըստ բաղադրատոմսի։
Երկրորդ օրը ապուրն էլ ավելի համեղ է լինում )
Բարի ախորժակ:
Տեսանյութ
Հավի մսով կրեմ ապուր