Սնկով համեղ պիցցա պատրաստելիս անգամ, ուտեստի բույրը կարող է ձեզ խենթացնել։ Խրթխրթան կեղևով և ձգվող պանրով տաք պիցցան չի հասցնի սառչել, քանի որ այն կայծակնային արագությամբ կանհետանա սեղանից։ Սա հագեցնող և համեղ խորտիկ է, որը բոլորին դուր կգա:
Այս թույլ խմորով պիցցա պատրաստելիս կարող եք ավելացնել հավելումներ՝ ըստ ձեր ցանկության: Դուք կարող եք այն ավելի մատչելի դարձնել՝ խոզապուխտը երշիկով փոխարինելով: Բացի այդ, դուք կարող եք ավելացնել ավելի շատ բանջարեղեն։ Լոլիկը, բուլղարական պղպեղը և թթու վարունգը կատարյալ են:
Սնկով համեղ պիցցա. Բաղադրիչներ
_Մածուն 250 մլ
_Ձու 1 հատ
_Աղ 0,5 թեյի գդալ
_Շաքարավազ 0,3 թեյի գդալ
_Փխրեցուցիչ 1 թեյի գդալ
_Արևածաղկի ձեթ 1 ճաշի գդալ
_Ցորենի ալյուր 160 գ
_Խոզապուխտ 100 գ
_Շամպինիոններ 3 հատ
_Կետչուպ 3 ճաշի գդալ
_Կոշտ պանիր 150 գ
Սնկով համեղ պիցցա. Պատրաստման եղանակը
_Խորը ամանի մեջ լցնել կեֆիրը և արևածաղկի ձեթը։ Ավելացնել ձուն, շաքարավազը և աղը։ Հարիչով հարել մինչև հարթ լինի։
_Փխրեցուցիչի հետ խառնած ցորենի ալյուրը մաղել։ Աստիճանաբար ավելացնել ձվի խառնուրդին։
_Գդալով կամ բահիկով հունցել միատարր խմոր՝ առանց գնդիկների։
Ջեռոցի տապակը ծածկել յուղաթղթով։ Խմորը լցնել վրան և հարթեցնել բահիկով:
_Խմորի վրա քսել կետչուպը՝ հավասարաչափ բաշխելով:
_Խոզապուխտը բարակ օղակներով, կամ կամայական կտրատել, սունկը՝ շերտերով։
_Դրանք քսել կետչուպ քսած խմորի վրա։ Ցանկության դեպքում թեթև համեմել։
_Տապակը դնել թխելու 15 րոպե՝ 180 աստիճանով տաքացված ջեռոցում։
_Կոշտ պանիրը քերել։ Պիցցան հանում ենք ջեռոցից և վրան շաղ տալ քերած պանիրը։
_Կրկին դնել ջեռոցում ևս 5-10 րոպե։
Եթե ցանկանում եք, կարող եք վերցնել ավելի փոքր ձևաման: այդ դեպքում պիցցան ավելի բարձր կլինի:
Ամեն դեպքում ուտեստը շատ փափուկ ու համեղ կլինի։ Դա երաշխավորում ենք:
Բարի ախորժակ:
Տեսանյութ
Համեղ պիցցա