Սնկով պելմենիներ. Անտառային բուրավետ սնկով նման պելմենիները կարժանանան ողջ ընտանիքի հավանությանը

Սնկով պելմենիներ պատրաստելու գաղափարը շատ դուր կգա ձեզ, քանի որ դրանք հյութալի և հագեցնող են ստացվում։ Կատարյալ է որպես ծոմ պահելու ժամանակ մսային ուտեստների այլընտրանք, իսկ սովորական օրերին՝ սննդակարգի փոփոխության համար:

Կարող եք միջուկի համար ցանկացած սունկ ընտրել: Եթե ​​ուզում եք պելմենիներ պատրաստել ծոմից դուրս, կարող եք ջուրը փոխարինել կաթով, ինչպես նաև ձու ավելացնել թե՛ խմորին, թե՛ միջուկին։

Սնկով պելմենիներ. Բաղադրիչներ

_Ջուր 2,15լ

_Արևածաղկի ձեթ 5 ճաշի գդալ

_Ցորենի ալյուր 250 գ

_Աղ՝ ըստ ճաշակի

_Չորացրած սունկ 150 գ

_Սոխ 2 հատ

_Սև պղպեղ (աղացած)՝ 1 թեյի գդալ

Սնկով պելմենիներ. Պատրաստման եղանակը

_Սնկի վրա երեկոյան լցնել 2 լիտր ջուր։ Առավոտյան ջուրը դատարկել կաթսայի մեջ։

_Սունկը և սոխը անցկացնել մսաղացով, աղ անել խառնուրդին, ավելացնել համեմունքներ։

_Խմորը հունցել ալյուրով, 150 մլ ջրով, արևածաղկի ձեթոց և աղով։

_Խմորը կտրել կտորներով, յուրաքանչյուրը գրտնակել, շարել միջուկը և փակել սովորական պելմենիների ձևով։

_Ջուրը, որում թրջել են սունկը, եռացնել, մեջը եփել պելմենիները։

Պատրաստի պելմենիները մատուցել եփելուց հետո մնացած արգանակի կամ տապակած սոխի հետ։ Անպայման ուրախացրեք ձեր սիրելիներին այս համեղ ուտեստով և տարածեք բաղադրատոմսը սոցիալական ցանցերում:

Բարի ախորժակ:

Տեսանյութ

Համեղ պելմենի հեշտ տարբերակով