Սնկով պիրոգը մեր տոնական սեղանի ավանդական ուտեստն է և մենք այն միշտ պատրաստում ենք ցանկացած տոնի համար։
Ուզում եմ ձեզ հետ կիսվել տատիկիս հաջող ու համեղ բաղադրատոմսով։
Սնկով պիրոգ. Անհրաժեշտ բաղադրիչները
_Ալյուր 300 գր
_Կարագ 100 գր
_Մի պտղունց աղ
_Փխրեցուցիչ մեկ երրորդ թեյի գդալ
_Թթվասեր 150 գր
Միջուկի համար
_Շամպինիոններ 500 գր
_Սոխ 2 հատ
_Ձու 3 հատ
_Թթվասեր 150 գր
_Պանիր 150 գր
_Աղ 0,5 թեյի գդալ
_Պղպեղ՝ ըստ ճաշակի
Սնկով պիրոգ. Պատրաստման եղանակը
_Ալյուրը մաղել ամանի մեջ և կարագը քերել մեջը, խառնել։
_Ավելացնել աղը և փխրեցուցիչը, ցանկացած յուղայնության թթվասեր։
_Խմորը շաղախել, եթե պետք լինի՝ ավելացնել թթվասերը։ Խմորը ծածկել և 1 ժամով դնել սառնարանը։
_Սունկը կտրատել շերտերով, իսկ սոխը՝ խորանարդներով։
_Բուսական յուղը տաքացնել թավայի մեջ և տապակել սոխը մինչև կիսաթափանցիկ դառնալը, ավելացնել սունկը, խառնել և տապակել մինչև փափկի՝ մոտ 4 րոպե։
_Տեղափոխել տարայի մեջ և թողնել սառի, ավելացնել խոշոր քերիչով քերած ձուն, թթվասերը, համեմել աղով և պղպեղով, լցնել քերած պանիրը։
_Խմորը գրտնակել և դնել ջեռոցի տարայի մեջ, կողքերը ձևավորել։
Հուշում․ եթե ձևանմուշը չկպչող չէ, ապա այն ծածկեք յուղաթղթով։
_Միջուկը լցնել, պանիրը ցանել ու սեղմել միջուկի մեջ, որ չայրվի։
_Թխել 180 աստիճանով մոտ 45 րոպե։
Պիրոգը թողնել սառչի, կտրատել բաժիններով և մատուցել սեղանին։
Բարի ախորժակ:
Տեսանյութ
Պիրոգ ֆրանսիական Քիշ լորեն
