Սնկով ռիզոտտոն աղվեսասունկն օգտագործելու ամենաարդյունավետ միջոցն է: Ընդամենը մի փոքր բուռը բավարար է 3-4 հոգու համար նախատեսված ռիզոտտոյի համար:
Հիմնական բանն է`չմոռանալ սնկերը տապակելիս քամել հյութը և այն լցնել ռիզոտտոյի վրա, եփելու վերջում` առավելագույն բուրմունք ստանալու համար: Իսկ տապակած սնկերն ավելացնում են ռիզոտտոյին մատուցելուց գրեթե անմիջապես առաջ:
Իհարկե, եթե ձեռքի տակ չունեք աղվեսասունկ, կամ չոր սպիտակ սունկ, ապա դրանք կարող եք հաջողությամբ փոխարինել շամպինոններով:
Սնկով ռիզոտտո. Անհրաժեշտ բաղադրիչները
_Աղ՝ ըստ ճաշակի
_Չոր սպիտակ գինի — 4 ճաշի գդալ
_Բրինձ — 300 գ
_Սոխ — 1 սոխ
_Քերած պարմեզան պանիր — 20 գ
_Թարմ աղվեսասունկ — 200 գ
_Կարագ — 50 գ + 1 թեյի գդալ
_Չոր սպիտակ սունկ — 20 գ
_Տաք հավի արգանակ — 1,5 լ
Սնկով ռիզոտտո.Պատրաստման եղանակը
_Չոր սնկերը թրջել տաք ջրում: Աղվեսասունկը լվանալ և մանր կտրատել, տապակել 1 թեյի գդալ կարագով՝ 7 րոպե, մի կողմ դնել:
_Կտրատել սոխը և տապակել սնկերից մնացած յուղի մեջ փափեն՝ թույլ չտալով, որ այրվի, 5 րոպե: Ավելացնել բրինձ և եփել, երբեմն խառնելով, 2 րոպե:
_Լցնել չոր գինին, եփել 4 րոպե: Ավելացնել չոր սնկերը, եփել ևս 2 րոպե:
_Լցնել 1 շերեփ արգանակ, եփել՝ երբեմն խառնելով, մինչև արգանակը ներծծվի: Շարունակել եփել՝ պարբերաբար մեկական շերեփ արգանակ ավելացնելով և թողնելով, որ ամեն անգամ ամբողջությամբ ներծծվի: Հեռացրեք կրակից, թողեք 1 րոպե:
Ավելացնել տապակած աղվեսասունկը և քերած պարմեզան, ծածկել և թողնել 3 րոպե: Այնուհետև խառնել և մատուցել:
Բարի ախորժակ: