Սնկով սերուցքային սոուս. Նրբահամ ուտեստ, որն ամենահասարակ սեղանը տոնական կդարձնի
Եթե ցանկանում եք սնկով ինչ-որ բան պատրաստել, լավագույն տարբերակը սոուս պատրաստելն է: Իսկ ինչի՞ հետ պետք է այն մատուցել, այս հարցն անտեղի է, դա կարող է լինել՝ սպագետի, ջեռեփուկներ, ուտեստներ մսից, թռչնամսից, ձկից և բանջարեղենից:
Ֆրանսիացիներն ունեն մի ասացվածք. «Նույնիսկ հին կաշին կարելի է ուտել սնկով սոուսով»: Եվ սա այն պատճառով, որ սոուսն ազնվացնում և բարելավում է նույնիսկ ամենապարզ ուտեստների համը: Այս համեղության պատրաստման համար կան շատ բաղադրատոմսեր, բայց սերուցքն առավել հաճախ է ընտրվում սոուսի հիմքի համար:
Սնկով սերուցքային սոուս. Անհրաժեշտ բաղադրիչները
- Սերուցք 300 մլ
- Շամպինիոն 100 գ
- Կարագ 50 գ
- Սոխ 1 հատ
- Արևածաղկի ձեթ 4 ճաշի գդալ
- Ցորենի ալյուր 1 ճաշի գդալ
- Աղ 1 պտղունց
- Սև պղպեղ (աղացած) 1 պտղունց
Սնկով սերուցքային սոուս. Պատրաստման եղանակը
- Լվանալ, մաքրել կեղևը և կտրատել սունկը:
- Կտրել սոխը խորանարդիկներով և տապակել մինչև ոսկե դարչնագույնը արևածաղկի ձեթով:
- Ավելացնել սունկը և եփել կափարիչով ծածկված, մինչև խոնավությունը գոլորշիանա:
- Վերցնել մեկ այլ տապակ: Վրան դնել կարագ, հալեցնել և ավելացնել ալյուր, լավ խառնել:
- Լցնել սերուցքը, խառնել: Եփել ցածր կրակի վրա, անընդհատ խառնելով: Ամենակաևորն է, որ սա չեռացնեք:
- Սերուցքային զանգվածին ավելացնել սոխն ու սունկը: Համեմել աղով և պղպեղով:
- Պատրաստել սոուսը ևս 3 րոպե:
Եթե սոուսի համար օգտագործում եք վայրի սունկ, ապա ավելի լավ է ոչ թե տապակել, այլ եփել:
Սնկով սերուցքային սոուսը պատրաստ է: Մատուցեք տաք վիճակում:
Բարի ախորժակ
Տեսանյութ
Դասական ժուլիեն
