Սնկով և կարտոֆիլով ջեռեփուկ պատրաստելն ինձ հաճույք է պատճառում: Ես այս ուտեստը լիովին ամբողջական եմ համարում։ Բայց ընտանիքիս անդամները խնդրում են երբեմն համի փոփոխության համար խոզապուխտ կամ նրբերշիկ ավելացնել։ Երեխաները հատկապես սիրում են այս ջեռեփուկը մոցարելլա պանրով: Ստացվում է ավելի կալորիական, բայց նաև շատ ավելի հագեցնող ուտեստ։
Որպեսզի թխելու ընթացքում կարտոֆիլը շիլայի չվերածվի, հարկավոր է դրանից լավ քամել ավելորդ հեղուկը և քերել միայն խոշոր քերիչով։
Հիշեցնեմ, որ ջեռոցում եփած ուտեստները միշտ ավելի առողջարար են, հաճախ նույնիսկ ավելի համեղ, քան տապակածները։ Այսպիսով, առաջարկում եմ առանց հետաձգելու պատրաստել այս աներևակայելի համեղ ջեռեփուկը:
Սնկով և կարտոֆիլով ջեռեփուկ. Բաղադրիչներ
_Կարտոֆիլ 5 հատ
_Շամպինիոններ 300 գ
_Սոխ 2 հատ
_Ձու 1 հատ
_Թթվասեր 1 ճաշի գդալ
_Սամիթ՝ ըստ ճաշակի
_Ցորենի ալյուր 2 ճաշի գդալ
_Արևածաղկի ձեթ 2 ճաշի գդալ
_Աղ 1 պտղունց
_Բուրավետ պղպեղ՝ ըստ ճաշակի
_Կոշտ պանիր 100 գ
Սնկով և կարտոֆիլով ջեռեփուկ. Պատրաստման եղանակը
_Սունկն ու սոխը մանր կտրատել։ Տապակել տապակի մեջ մինչև կիսով չափ եփվի։
_Առանձին խառնել ձուն, թթվասերը, աղն ու պղպեղը:
_Նախապես լվացված և մաքրած կարտոֆիլը քերել խոշոր քերիչով։ Քամել ավելորդ հեղուկը։
_Կարտոֆիլը խառնել թթվասերի խառնուրդին։
_Այնուհետև ավելացնել ալյուրն ու մանր կտրատած կանաչին։ Մանրակրկիտ խառնել։
_Տարածեք կարտոֆիլի խառնուրդի կեսը, ապա տապակած սնկի շերտը, Ծածկել մնացած կարտոֆիլով։ Շերտերի բարձրությունը չպետք է գերազանցի 2 սմ։
_Վրան լցնել բուսական կամ սերուցքային կարագ և շաղ տալ քերած պանիր։
_Դրեք թխելու 20 րոպե 200 աստիճան ջերմաստիճանում։
Սնկով և կարտոֆիլով ջեռեփուկը պատրաստ է:
Բարի ախորժակ:
Տեսանյութ
Ամենաարագ և համեղ ընթրիքը
