Սնկով և հավի մսով ջեռեփուկ. Շքեղ ֆրանսիական ընթրիքն իր համով կդառնա ընտանեկան ջերմ երեկոյի հաճելի լրացում

Առաջարկում ենք պատրաստել Սնկով և հավի մսով ջեռեփուկ, որը ձեր հյուրերին կհիացնի իր համով և ախորժելի տեսքով: Ֆրանսիական բաղադրատոմսով պատրաստված հագեցնող ու գեղեցիկ ընթրիքը կատարյալ է նույնիսկ որպես տոնական ուտեստ։

Սնկով և հավի մսով ջեռեփուկ. Անհրաժեշտ բաղադրիչները

— հավի կրծքամիս 400 գ

— շամպինիոններ 250 գ

— սոխ 1 հատ

— յուղալի սերուցք 250 մլ

— կարտոֆիլ 700 գ

— կոշտ պանիր 200 գ

— կարագ 20 գ

— կաթ 100 մլ

— աղ, պղպեղ, համեմունքներ և կանաչիներ ըստ ճաշակի

 

Սնկով և հավի մսով ջեռեփուկ. Պատրաստման եղանակը

_ Կարտոֆիլը խաշել և վերածել խյուսի, խառնել կաթի և կարագի հետ։

_ Սունկը մանր կտրատել, սոխը՝ փոքր խորանարդիկներով։

_ Տաքացնել բուսայուղը և տապակել սունկը մինչև կիսաեփ լինի, ավելացնել սոխը և զանգվածը տապակել մինչև փափկի, մինչև ամբողջ հեղուկը գոլորշիանա։

_ Տապակման ավարտից մի քանի րոպե առաջ ավելացնել աղ, պղպեղ և ըստ ճաշակի՝ կտրատած կանաչիներ։

_Միսը լվանալ (կարող եք վերցնել ցանկացած, ոչ միայն հավի միս), չորացնել, մանր կտրատել և տապակել բուսայուղի մեջ, աղ, պղպեղ անել և ավելացնել համեմունքներ ըստ ճաշակի։

_ Միսն ու սունկը խառնել, լցնել սերուցքը, խառնել ու եփել 7 րոպե մարմանդ կրակի վրա։

_ Կարտոֆիլի պյուրեն հավասարաչափ տարածել թխման ամանի մեջ, վրան հավասար շերտով տարածել սնկով միսը և խոշոր քերիչով քերած պանիրը ցանել ուտեստի վրա։

_ Ջեռոցը տաքացնում ենք 180 աստիճանով և թխել 10 րոպե։

Բարի ախորժակ:

Տեսանյութ

Համեղ ընթրիք հաշված րոպեների ընթացքում