Սուլուգունիով բլիթներ. Դյուրամարս փափուկ խորտիկներ

Սուլուգունիով բլիթներ խորտիկները շատ լավ են համը պահում նաև սառը վիճակում, այնպես որ կարող եք վստահորեն ձեզ հետ վերցնել պիկնիկի գնալիս:

Դրանք կարելի է մատուցել ունիվերսալ մածունով սոուսով, այդպես էլ ավելի համեղ կլինի:

Սուլուգունիով բլիթներ. Անհրաժեշտ բաղադրիչները

_Ալյուր 450 գր

_Կարագ 250 գր

_Սերուցք 10% 80 մլ

_Կարտոֆիլ 400 գր

_Խառը կանաչիներ (կանաչ սոխ, մաղադանոս, ռեհան) 1 մեծ փունջ

_Սուլուգունի պանիր 200 գր

_Սխտոր 4 պճեղ

_Ձիթապտղի ձեթ 4 ճաշի գդալ

_Դեղնուց 1 հատ

_Կաթ 1 ճաշի գդալ

_Փխրեցուցիչ 1 թեյի գդալ

_Աղացած սև պղպեղ՝ ըստ ճաշակի

_Աղ՝ ըստ ճաշակի

Սուլուգունիով բլիթներ. Պատրաստման եղանակը

_Խմորի համար ալյուրը մաղել և լցնել փոքր խորանարդներով կտրատած կարագը, ավելացնել փխրեցուցիչը, աղը և մանր կտրատել դանակով:

_Ավելացնել սերուցքը, եթե ​​խմորը շատ պինդ է, կարելի է մի քիչ էլ ջուր ավելացնել։

_Հունցել, խմորը գնդել, փաթաթել թաղանթով և թողնել 30 րոպե սառնարանի մեջ:

_Լվանալ կարտոֆիլը խոզանակով, 30 րոպե եփել աղ արած ջրի մեջ։

_Թողնել սառչի, կեղևից մաքրել, տրորել խյուսի նման։

_Ջեռոցը տաքացնել մինչև 180°C, ջեռոցի տապակը ծածկել յուղաթղթով:

_Սուլուգունին քերել մանր քերիչով։ Կանաչիներն ու սխտորը մանր կտրատել, տապակի մեջ տապակել տաքացրած ձիթապտղի յուղով 1-2 րոպե, համեմել պղպեղով։

_Խառնել սխտորը կանաչիների, կարտոֆիլի և սուլուգունիի հետ։

_Խմորը բաժանել 2 մասի, յուրաքանչյուրը գրտնակել 3 մմ հաստությամբ ուղղանկյուն շերտով։

_Միջուկը հավասար շերտով քսել խմորի վրա։ Յուրաքանչյուր շերտ փաթաթել ռուլետի նման, կտրատել 3 սմ հաստությամբ շրջանակներ, դնել պատրաստի տապակի վրա, թողնել 10-15 րոպե:

_Ձուն հարել կաթով, բլիթների վրա քսել և դնել նախապես տաքացրած ջեռոցը։

_Թխել մինչև ոսկե դարչնագույնը, մոտ 25 րոպե:

Բարի ախորժակ:

Տեսանյութ

Կարկանդակ ջեռոցում