Սպագետի դդումի սոուսով. Կծու սերուցքային սոուսով և փխրուն եղեսպակի տերևներով մակարոնեղենը ոչ ոքի անտարբեր չի թողնի

Այսօր առաջարկում ենք պատրաստել Սպագետի դդումի սոուսով: Եվ, եթե դուք արդեն բավականին հոգնել եք դդմի շիլայից և պյուրե ապուրից, ապա անպայման փորձեք սա:

Դդումը, թերևս, ամենաբազմազան բանջարեղեններից մեկն է, որը պետք է տեղ գտնի յուրաքանչյուր խոհանոցում, հաշվի առնելով, որ դրա սեզոնն է մեր լայնություններում:

Այս աշնանային ֆավորիտը սննդարար նյութերի քանակով հիանալի է ինչպես համեղ ուտեստներ պատրաստելու, այնպես էլ տարբեր աղանդերների պատրաստման համար:

Սպագետի դդումի սոուսով. Անհրաժեշտ բաղադրիչները

(3-4 բաժնի համար)

_600 գ մաքրած դդումի միջուկ

_250 գ սպագետի (կամ մակարոն `ըստ ճաշակի)

_150 մլ Սերուցք (20% կամ ավելի)

_3 պճեղ սխտոր

_1 սոխ

_1 սմ Կոճապղպեղի արմատ

_Չիլի պղպեղի փաթիլներ՝ ըստ ճաշակի

_Մշկընկույզ՝ ըստ ճաշակի

_Աղ, պղպեղ՝ ըստ ճաշակի

_Եղեսպակի (шалфей) թարմ տերևներ

_1 ճաշի գդալ քերած պարմեզան

_Բուսական յուղ տապակելու համար

Սպագետի դդումի սոուսով. Պատրաստման եղանակը

_Մաքրել և մանր կտրատել սոխը, սխտորը և կոճապղպեղը: Կաթսայի մեջ տաքացնել բուսական յուղը, դրա մեջ լցնել սոխ, սխտոր, կոճապղպեղ և չիլի փաթիլներ և տապակել մի քանի րոպե, մինչև ուժեղ բուրմունք հայտնվի:

_Դդումի միջուկը կտրել փոքր կտորներով և ավելացրեք տապակի բանջարեղենին: Ավելացնել ջուր այնպես, որ այն ամբողջությամբ ծածկի բոլոր բանջարեղենները:

_Եփել միջին կրակի վրա մինչև դդումը փափկի՝ 12-15 րոպե, հանել կրակից: Քամել արգանակի կեսը, իսկ մնացածով՝ բանջարեղենը խյուս դարձրեք բլենդերով մինչև համասեռ դառնա:

_Լցնել սերուցքը, համեմել մշկընկույզով, աղով և պղպեղով: Լավ խառնել և համտեսել, անհրաժեշտության դեպքում կարգավորել համեմունքների քանակը:

_Տապակել եղեսպակի տերևները բուսական յուղի մեջ մինչև փխրուն դառնան:

_Սպագետին եփում ենք մինչև ալ -դենտեն` փաթեթի ցուցումներին համապատասխան:

_Սպագետին ավելացնել սոուսով տարայի մեջ, խառնել, կրկին դնել վառարանի վրա և լավ տաքացնել:

Մատուցելուց առաջ վրան շաղ տալ քերած պարմեզան և եղեսպակի տերևներ:

Բարի ախորժակ

Տեսանյութ

Վերմիշելով փլավ