Սպագետտի Բոլոնեզ սոուսով․ Յուրահատուկ նուրբ համ (Տեսանյութ)

Այսօր պատրաստելու ենք Սպագետտի Բոլոնեզ սոուսով․ Յուրահատուկ նուրբ համ։ Իտալացիներից եկող այս Բոլոնեզյե սոուսն յուրաքանչյուրն իր ձևով է ներկայացնում, մենք էլ մեր պարզեցված և տարբերվող տարբերակն ենք առաջարկելու։

Սպագետտի Բոլոնեզ սոուսով Բաղադրատոմսը

• Սպագետտի — 200 գր․
• Լոլիկ — 2 հատ
• Սխտոր — 2 ատամ
• Կարմիր պղպեղ — 1 հատ /դասական տարբերակում նաև գազար են օգտագործում/
• Կանաչիներ՝ թարմ սամիթ, չորացրած ռեհան, օրեգանո, թարմ նեխուրի ցողուններ /նաև օգտագործել ենք հատուկ համեմունք Բոլոնեզյե սոուսի համար/
• Աղ, պղպեղ
• Տավարի փափկամիս — 300 գր․
• Սոխ — 1 գլուխ
• Ձիթայուղ տապակելու համար
• Պարմեզան պանիր
• Կարմիր կամ սպիտակ գինի ըստ ցանկության

Սպագետտի պատրաստումը Քայլ առ քայլ

• Մակարոնը կխաշենք ամենավերջում, մինչ սոուսի պատրաստ լինելը և կսկսենք լոլիկի թանձրուկ պատրաստելուց

• Լոլիկը խոշոր կտրատած լցնում ենք հարիչի ամանի մեջ, սխտորը մի քանի մասի բաժանում և նորից լցնում սխտորամանի մեջ
• Սամիթը ավելացնում ենք վրան, սովորաբար իտալացիները նեխուրի ցողուններն են օգտագործում սոուսի մեջ, ընդ որում ընդամենը մանր կտրատում են
• Կարմիր պղպեղն էլ հարիչ ենք ուղարկում
• Աղ ու պղպեղ ենք անում, կարելի է նաև գազար այստեղ ավելացնել, բայց ես սովորաբար չեմ ավելացնում
• Այս զանգվածը հարում ենք, դարձնում համասեռ զանգված և դնում կողքի մինչ պատրաստ կլինի տապակվող միսը, իսկ դրա համար գլուխ սոխը մանր կտրատում ենք
• Գազօջախի վրա թավայի մեջ ձիթայուղ ենք լցնում
• Տավարի աղացած փափկամիսը լցնում ենք թավայի մեջ և  վրան ավելացնում ենք սոխը
• Սկսում ենք տապակել՝ պարբերաբար խառնելով, մոտ 3-5 րոպե
• Հենց մի փոքր միսը կարմրի վրան ավելացնում ենք մեր պատրաստած մածուկը, խառնում, կրակը մարմանդ թողնում որ այն եռա, այնքան պետք է եռա, որպեսզի համասեռ զանգվածի վերածվի
• Սոուսի մեջ դասական տարբերակում նաև կարմիր գինի են ավելացնում
• Այժմ ճիշտ ժամանակն է սպագետտին խաշելու
• Այսօր ես վերցրել եմ դիետիկ սպագետտի սպանախով, ցանկացած սիրելի սպագետտին հարմար է բոլոնեզ սոուսով մատուցելու համար
• Գազօջախին դրված կաթսայի եռացող ջրի վրա ավելացնում ենք աղ
• Սպագետտին լցնում ջրի մեջ և մոտ 10-15 րոպե անց al dente վիճակում ջրքամում։ Իտալացնիները մակարոնեղենը մատուցում են և պնդում են, որ այն ճիշտ է ուտել եփելուց մի փոքր շու վերցված վիճակում, մի փոքր կոշտ՝ այդ վիճակը անվամնում են al dente

• Այժմ գեղեցիկ ափսե ենք վերցնում, վրան լցնում ջրքամված սպագետտին, մեջտեղում փոսիկ բացում
• Բոլոնեզե սոուսը լցնում այդ փոսիկի մեջ
• Վրան Պարմեզան պանիր ցանում

Վերջ, մեր Սպագետտի Բոլոնեզ սոուսով ուտեստը պատրաստ է։ Այն մատուցելիս կարելի զարդարել ռեհանի տերևներով։

Սպագետտի Բոլոնեզ սոուսով Տեսանյութ

Դե ինչ բարի ախորժակ։