Վարսակի փաթիլներով ջեռեփուկը կբազմազանեցնի ձեր նախաճաշերի ցանկը, կհամոզվեք, որ առողջարար և սննդարար ուտեստները կարող են նաև շատ համեղ լինել։ Վարսակի փաթիլներին կարող եք ավելացնել ցանկացած սառեցված հատապտուղներ, բայց բալով ջեռեփուկը հատկապես բուրավետ և ախորժելի է ստացվում:
Իրականում վարսակի փաթիլները շատ բազմակողմանի մթերք է. դրանից կարելի է պատրաստել ոչ միայն սովորական շիլա, այլ նաև համեղ սալիկներ՝ արագ խորտիկի համար և նույնիսկ ջեռեփուկ:
Առաջարկում ենք հատուկ ուշադրություն դարձնել վերջին ուտեստին: Ի դեպ, եթե բուսակեր եք, կարող եք չավելացնել ձուն:
Վարսակի փաթիլներով ջեռեփուկ. Բաղադրիչներ
_Վարսակի ալյուր 12 ճաշի գդալ
_Ջուր 1,5 բաժակ
_Ձու 1 հատ
_Բալ 50 գ
_Ընկույզ ըստ ճաշակի
_Դարչին ըստ ճաշակի
_Շաքարավազ 3 ճաշի գդալ
_Խնձոր 1 հատ
Վարսակի փաթիլներով ջեռեփուկ. Պատրաստման եղանակը
_Վարսակի փաթիլները լցնել եռման ջրի մեջ և թողնել ուռչի մոտ 5 րոպե։
_Ավելացնել կեղևը մաքրած և մանր կտրատած խնձորը, կորիզահան արված բալը, շաքարավազը և ձուն, լավ խառնել։
_Վարսակի փաթիլներով խմորը դնել յուղ քսած կաղապարի մեջ, վրան շաղ տալ դարչին և աղացած ընկույզ ըստ ճաշակի:
_Ջեռեփուկը թխել 30 րոպե 180 աստիճան տաքացված ջեռոցում։
Անուշաբույր սուրճ պատրաստեք, լցրեք գեղեցիկ բաժակի մեջ և համեղ ու ախորժելի նախաճաշով սկսեք ձեր նոր օրը:
Կիսվեք այս համեղ նախաճաշի բաղադրատոմսով ձեր ընկերների հետ:
Բարի ախորժակ:
Տեսանյութ