Խորհուրդ ենք տալիս գոնե մեկ անգամ Վաֆլիով ծույլ կոտլետներ պատրաստել։ Որպես կանոն, երբ խոսում ենք աղացած մսով կերակրատեսակի մասին, նկատի ունենք կամ կոտլետներ, կամ կարկանդակներ։ Սակայն այսպիսի մսամթերքից կարելի է բացի քաբաբ, կոտլետ և կոլոլակը՝ շատ այլ հետաքրքիր ուտեստներ պատրաստել։
Դրանք պատրաստվում են վաֆլի շերտերով, ինչը ուտեստը շատ անսովոր է դարձնում։ Մի մտածեք, որ վաֆլի տորթերը ինչ-որ կերպ կփչացնեն ճաշատեսակի համը։ Վաֆլին հիանալի համադրվում է աղացած մսի հետ:
Վաֆլիով ծույլ կոտլետներ. Բաղադրությունը
_աղացած միս — 500 գ
_աղ — ½ թեյի գդալ
_սոխ — 1 հատ
_կաթ — 50 մլ
_ձու — 4 հատ
_վաֆլի շերտեր — 4 հատ
Վաֆլիով ծույլ կոտլետներ. Պատրաստման եղանակը
_Սոխը մանր խորանարդիկներով կտրատել, կարող եք նաև մանրացնել քերիչով կամ բլենդերով։
_Մանրացրած սոխը լցնել աղացած մսի վրա, ավելացնել մեկ ձու և մի պտղունց աղ, խառնել բաղադրիչները։
_Աղացած միսը եփելուց առաջ հավասարաչափ բաշխել 4 շերտերի վրա։ Եթե դա անեք նախօրոք, ապա տորթերը շատ կխոնավանան:
_Երկու շերտեր միացնել իրար՝ ամրացնելով մսային միջուկով։
_Պետք է ստանաք երկու վաֆլի կարկանդակ՝ մսային միջուկով։
_Կտրատեք այս կարկանդակները պիցցայի նման շերտերով:
_Առանձին ամանի մեջ միացնել ձվերը, կաթը և աղը, հարել մինչև հարթվի:
_Բուսական յուղը տաքացնել տապակի մեջ, վաֆլի մսով կարկանդակի կտորները թաթախել ձվի խառնուրդի մեջ։
_Կտորները դնել տապակի մեջ, միջին ջերմության վրա տապակել առաջին կողմը։
_Հետո կրակը թուլացնել և երկրորդ կողմը տապակել կափարիչի տակ 5-7 րոպե:
Կարկանդակներ պատրաստելու այս մեթոդը հարմար է այն մարդկանց համար, ովքեր չեն սիրում խմոր հունցել։ Մսով ուտեստը ստացվում է ընդամենը 15 րոպեում։
Բարի ախորժակ:
Տեսանյութ
Տնական կոտլետներով չիզբուրգեր
