Երբ փոքր էինք, տատիկս ճաշի համար հաճախ էր պատրաստում Վերմիշելով ջեռեփուկ և միշտ հանում էր դրա հետ մատուցելու համար լավագույն ելակի մուրաբայի մի բանկա:
Մենք այս ուտեստը կոչում էինք «տատիկ» և սիրում էինք այն ամեն ինչից առավել:
Վերմիշելով ջեռեփուկ. Անհրաժեշտ բաղադրիչները
_Բարակ վերմիշել 300 գ
_Կաթնաշոռ 500 գ
_Ձու 3 հատ
_Շաքարավազ 150 գ
_Վանիլին 10 գ
_Կարագ 50 գ
Վերմիշելով ջեռեփուկ. Պատրաստման եղանակը
_Վերմիշելը խաշել թույլ աղ արած ջրով, այնուհետև քամել, պահել հոսող սառը ջրի տակ, որ սառչի:
_Ձվերը հարել խորը ամանի մեջ հարիչով, ավելացնել շաքարը և վանիլը, հարել մինչև սպիտակելը:
_Կաթնաշոռն ավելացնել ձվի զանգվածին և հարել այնքան, մինչ ստացվի համասեռ զանգված:
_Սառած վերմիշելը լցնել ձվով կաթնաշոռի մեջ և լավ խառնել:
_Ջեռեփուկի համար նախատեսված ձևամանը ծածկել յուղաթղթով, յուղել կարագով, լցնել մակարոնեղենով խառնուրդը՝ այն լավ հարթեցնելով:
_Թխել 180 ℃ տաքացրած ջեռոցում մոտ 50 րոպե: Ստուգել պատրաստությունը ատամի չոփով մակարոնով ջեռեփուկի տարբեր մասերում:
Մատուցելուց առաջ այն սառեցնել, մասերի բաժանել և յուրաքանչյուրի վրա ցանել շաքարի փոշի կամ ելակի, բալի մուրաբայի մի գդալ:
Այս ուտեստը դուր կգա ինչպես երեխաներին, այնպես էլ մեծահասակներին, քանի որ այն իսկապես անմոռանալի համ ունի:
Վերմիշելով ջեռեփուկը պատրաստ է:
Բարի ախորժակ:
Տեսանյութ
Արագ և համեղ ընթրիք