Տապակած բլիթներն այնքան փափուկ ու եթերային են, որ այլևս նման ուտեստների համար այլ բաղադրատոմսեր չեք օգտագործի։ Կարելի է մատուցել որպես հաց։
Տապակած բլիթներ. Անհրաժեշտ բաղադրիչները
_Ալյուր 420 գր
_Շաքարավազ 1 ճաշի գդալ
_Աղ 1 թեյի գդալ
_Չոր խմորիչ 1 ճաշի գդալ
_Բուսական յուղ 2 ճաշի գդալ
_Ջուր 250 մլ
_Բուսական յուղ՝ տապակելու համար
Տապակած բլիթներ. Պատրաստման եղանակը
_Տաք ջրի մեջ լուծել շաքարավազն ու խմորիչը, լցնել բուսայուղը և խառնել։
_Թողնել մի քանի րոպե, մինչև փրփուր հայտնվի։
_Ավելացնել աղը, խառնել։
_Ալյուրը մաղել և մաս-մաս լցնել զանգվածի մեջ, խմորը հունցել այնքան, մինչև դառնա փափուկ և չկպչուն։
_Հնարավոր է, որ ձեզ մի քիչ քիչ թե շատ ալյուր անհրաժեշտ լինի, ամենակարևորը՝ չչափազանցել, որպեսզի զանգվածը շատ չպնդանա:
_Խմորը ծածկել և թողնել տաք տեղում 1 ժամ։
_Սեղանին ու ձեռքերին քսել բուսայուղ և խմորը բաժանել փոքրիկ գնդիկների։
_Գնդիկները բացել թավայի չափով և տապակել բուսայուղի մեջ, մինչև ոսկե դարչնագույնը՝ մարմանդ կրակի վրա:
Ոսկեգույն, ախորժելի է ստացվում, այն կարելի է օգտագործել որպես հաց կամ նախաճաշին մատուցել ջեմով, շոկոլադի մածուկով և թթվասերով։
Բարի ախորժակ:
Տեսանյութ
Ֆիթնես հաց. Առողջ դիետիկ հաց