Տապակած բլիթներ առանց ձվի և կաթի. դժվարին 90-ականներին դրանք աստվածային պարգև էին: Իսկ եթե համեմեք նաև կանաչիներով կամ ավելացնեք պանիր, ապա բույրը կտարածվի ամբողջ բնակարանում և կհմայի տան բոլոր անդամներին։ Խորհուրդ եմ տալիս փորձել, չեք զղջա:
Բլիթները բավականին հագեցնող են և բարձր կալորիականությամբ, քանի որ տապակվում են ձեթի մեջ։ Եփելուց անմիջապես հետո յուրաքանչյուր բլիթը դրեք թղթե սրբիչի վրա՝ ավելորդ յուղը ցամաքեցնելու համար:
Կարող եք պատրաստել ինչպես դատարկ բլիթներ, այնպես էլ լցոնված:Առաջնորդվեք ձեր ճաշակով և նախասիրություններով:
Տապակած բլիթներ. Բաղադրիչներ
_Ջուր 350 մլ
_Ցորենի ալյուր 400 գ
_Աղ 0,5 թեյի գդալ
_Շաքարավազ 1 ճաշի գդալ
_Արևածաղկի ձեթ 80 մլ
_Խմորիչ 10 գ
Տապակած բլիթներ. Պատրաստման եղանակը
_Շաքարավազն ու խմորիչը լցնել տաք ջրի մեջ։ Լավ խառնել և թողնել 5-15 րոպե։
_Հետո ալյուրը մաղել առանձին ամանի մեջ: Լցնել խմորիչով խառնուրդը և ամեն ինչ մանրակրկիտ խառնել:
_Փափուկ խմոր հունցել։ Այն պետք է մի փոքր կպչի ձեր ձեռքերին:
_Խմորը ծածկել և դնել տաք տեղում 30 րոպե։ Երբ խմորը բարձրանա, մի փոքր հունցեք և թող մնա ևս 20 րոպե։
_Սեղանի վրա մի քիչ ալյուր մաղել, վրան դնել պատրաստի խմորը, բաժանել այն 5 հավասար մասերի։
_Ծածկել դրանք թաղանթով և թողնել, որ բարձրանան ևս 10 րոպե։
_Կլոր բլիթներ ձևավորել 15-20 սմ տրամագծով։
_Թավայի մեջ տաքացնել բուսական յուղը և տապակել յուրաքանչյուր բլիթը միջին կրակի վրա, մոտ 2 րոպե յուրաքանչյուր կողմից:
Ցանկության դեպքում բլիթներին կարող եք ցանել շաքարով և շարել իրար վրա: Այս տարբերակը հարմար է թեյ խմելու համար։
Փորձեք նաև մի քիչ սխտոր ավելացնել և ցանել կտրատած կանաչիներ:
Շատ գոհացուցիչ և գեղեցիկ է ստացվում:
Բարի ախորժակ:
Տեսանյութ
Փքուն ալադի կեֆիրով
