Տապակած բրինձը արևելյաասիական խոհանոցի անզուգական ուտեստ է: Նման կողմնակի կերակուրը մատուցվում է տարբեր տեսակի մսով և ձկան ուտեստներով, այնպես որ յուրաքանչյուր տնային տնտեսուհու զինանոցում պետք է լինի այս համեղ ուտեստի պատրաստման բաղադրատոմսը:
Այս ուտեստը պատրաստելու երկու եղանակ կա. Առաջինը `տապակել արդեն պատրաստված բրինձը. երկրորդը` նախ բրինձը տապակել ու հետո միայն ջուր ավելացնել: Մենք այս անգամ առաջարկում ենք պատրաստել երկրորդ տարբերակով, քանի որ ուտեստի համն ավելի հարուստ է ստացվում:
Տապակած բրինձ. Անհրաժեշտ բաղադրիչները
_Բրինձ 1 բաժակ
_Ջուր 2 բաժակ
_Աղ 1 թեյի գդալ
_Արևածաղկի ձեթ 3-4 ճաշի գդալ
_Քրքում ՝ ըստ ճաշակի
_Պապրիկա ՝ ըստ ճաշակի
_Սև պղպեղ (աղացած)` ըստ ճաշակի
Տապակած բրինձ. Պատրաստման եղանակը
_Վերցնել մի կաթսա, ղազան, կամ թավա, մեջը լցնել բուսական յուղ և տաքացնել:
_Ավելացնել բրինձը և անմիջապես իջեցնել կրակը:
_Տապակել բրինձը՝ անընդհատ խառնելով, և երբ բրինձը սկսի յուղը կլանել, ավելացնել համեմունքներն՝ ըստ ճաշակի:
_Պատրաստել բրինձը ևս մի քանի րոպե և աղ անել, ավելացնել ջուրը և թողնել, որ բրինձը եռա:
_Առանց բրինձը կափարիչով ծածկելու, թողեք, որ ներծծի ամբողջ ջուրը:
_Դրանից հետո ծածկել կափարիչով, իջեցնել կրակը և եփել 20 րոպե:
Դուք երբեք չեք ճաշակել նման փխրուն կծու բրինձ: Անպայման եփեք այսպիսի բրինձ և կիսվեք բաղադրատոմսով ձեր ընկերների հետ:
Տապակած բրինձը պատրաստ է:
Բարի ախորժակ:
Տեսանյութ
Վերմիշելով փլավ
