Այս բանջարեղենով մեզ մոտ ուտեստներ շատ քիչ են պատրաստում՝ միայն շիլաներ, ապուր կամ ղափամա: Մենք առաջարկում ենք տապակած դդում պատրաստել: Այս համեղ հունական ուտեստը` ռեհանով, ձիթայուղով և սխտորով ձեզ շատ դուր կգա:
Հունական ոճով դդումը կդառնա այս բանջարեղենի ամենասիրված ուտեստներից մեկը, վստահեցնում եմ ձեզ:
Տապակած դդում. Անհրաժեշտ բաղադրիչները
Սնունդ (2 բաժնի համար)
_Դդում 400 գ
_Սխտոր 1 պճեղ
_Տոմատի մածուկ 1 թեյի գդալ
_Չորացրած ռեհան 1 թեյի գդալ
_Ձիթապտղի յուղ 1 ճաշի գդալ
_Ջուր 2 ճաշի գդալ
_Աղ` ըստ ճաշակի
_Աղացած սև պղպեղ` ըստ ճաշակի
Տապակած դդում. Պատրաստման եղանակը
_Եկեք պատրաստենք բոլոր մթերքները թխած հունական դդումի համար: Ավելի լավ է քաղցր սորտերի դդում վերցնել:
_Մաքրել դդումը, միջուկը կտրել մեծ խորանարդներով:
_Լցնել ձիթապտղի յուղը տապակի մեջ, տաքացնել և տապակել դդումը մինչև 5 — 7 րոպե բոլոր կողմերից՝ մինչև ոսկե դարչնագույնը, երբեմն խառնելով:
_Տապակի մեջ ավելացնել աղ, պղպեղ և չորացրած ռեհան:
_Այժմ դդումի վրա ավելացնել տոմատի մածուկ:
_Սխտորն անցկացնել մամլիչի միջով և նույնպես ավելացնել դդումին: Դդումը խառնել համեմունքների հետ:
_Դդումը տեղափոխել թխման ձևամանի մեջ: Վրան լցնել ջուրը:
_Ծածկել ձևամանը փայլաթիթեղով և դդումը թխել 180 աստիճան տաքացրած ջեռոցում 25-30 րոպե:
_Պատրաստի դդումը հանել ջեռոցից և որպես կողմնակի ճաշատեսակ մատուցել հիմնական՝ մսով կամ ձկով ուտեստի հետ:
Նման եղանակով թխած դդումը լավ է նաև որպես տաք նախուտեստ, այն կարելի է մատուցել թարմ հացով:
Բարի ախորժակ:
Տեսանյութ
Տապակած կարտոֆիլ դդումով
