Սա իմ ճաշակած ամենահամեղ տավարի տապակած լյարդն է: Վաղուց եմ կայքերից մեկում գտել բաղադրատոմսը, բայց առիթ չէր լինում դրանով կիսվելու:
Ինքս արդեն բազմիցս պատրաստել եմ լյարդը այս ձևով և այն միշտ համեղ է ստացվում և բոլորին դուր է գալիս։
Տապակած լյարդ. Անհրաժեշտ բաղադրիչները
_Տավարի լյարդ 0,5 կգ
_Կաթ 0,5 բաժակ
_Ձու 1 հատ
_Սոյայի սոուս 2 ճաշի գդալ
_Չոր մանանեխ 1 ճաշի գդալ
_Ալյուր 2 ճաշի գդալ
_Սև պղպեղ՝ ըստ ճաշակի
_Բուսական յուղ՝ ըստ ճաշակի
Տապակած լյարդ. Պատրաստման եղանակը
_Մաքրել լյարդը թաղանթից, կտրատել, ծածկել կաթով և դնել սառնարանը 1 ժամ:
_Ձուն խառնել սոյայի սոուսի, չոր մանանեխի հետ, ավելացնել աղացած պղպեղ և ալյուր, խառնել ամեն ինչ պատառաքաղով:
_Քամել կաթը և ձվային մարինադը լցնել լյարդի վրա, խառնել և 5 ժամով դնել սառնարանը։ Կարելի է թողնել ամբողջ գիշեր:
_Դրանից հետո լյարդը տապակել տապակի մեջ՝ բուսական յուղով, մինչև ոսկե դարչնագույնը: Այն շատ համեղ է ստացվում:
Անպայման փորձեք, չեք փոշմանի, եթե այն պատրաստեք։
Բարի ախորժակ: