Տապակած ծույլ լահմաջունը ոչ մի կերպ չի զիջում դասական բաղադրատոմսերին։ Միայն այս դեպքում դուք շատ ավելի քիչ ժամանակ կծախսեք:
Տապակած ծույլ լահմաջուն. Անհրաժեշտ բաղադրիչները
_Ցանկացած աղացած միս 400 գր
_Կլոր լավաշ 4 հատ
_Սոխ 1 հատ
_Լոլիկ 1 հատ
_Կանաչ սոխ մի փունջ
_Սամիթ մի փունջ
_Սխտոր 1 պճեղ
_Ձու 1 հատ
_Քնջութ ըստ ճաշակի
_Աղ, պղպեղ, համեմունքներ, անուշաբույր կանաչիներ՝ ըստ ճաշակի
Տապակած ծույլ լահմաջուն. Պատրաստման եղանակը
_Սոխը մանր կտրատել և խառնել աղացած մսի հետ։
_Ավելացնել աղը, պղպեղը, համեմունքները, անուշաբույր կանաչիները և խառնել։
_Լավաշի շերտի վրա տարածել աղացած մսի բարակ շերտ և ծալել եռանկյունու նման։
_Ջեռոցի տապակը ծածկել յուղաթղթով, եռանկյունները շարել և վրան հարած ձու քսել։
_Ցանկության դեպքում ցանել քնջութի սերմեր։
_Թխել 180 աստիճանով մոտ 20-30 րոպե։
_Մայոնեզը խառնել քերած սխտորի հետ։
_Հանել ջեռոցից, ներսի մասին քսել սոուսը, դնել լոլիկի շրջանակ, վրան ցանել մանր կտրատած սամիթ, կանաչ սոխ և նորից ծալել։
Այսպիսի բուրավետ, հագեցնող և ամենակարևորը՝ շատ հեշտ պատրաստվող ուտեստը ձեզ շատ դուր կգա։
Բացի աղացած մսից, ձեր ցանկությամբ կարող եք ավելացնել տարբեր հավելումներ։ Լոլիկից բացի կարելի է ավելացնել կաղամբ, քաղցր պղպեղ և թարմ վարունգ, իսկ սոուսը կարելի է փոխարինել մեկ գդալ մանանեխի և կետչուպի խառնուրդով։
Բարի ախորժակ:
Տեսանյութ
Ծույլ լազանյա լավաշով
