Տապակած կրծքամիս. Անուշահամ, հյութեղ և փափուկ ուտեստ

Տապակած կրծքամիս. Անուշահամ, հյութեղ և փափուկ ուտեստ

Կարելի է կրծքամիսն ավելի համեղ դարձնել, քան կոտլետները: Ուտեստը պատրաստվում է ընդամենը 15 րոպեում և միշտ հյութալի է ստացվում:

Այս բաղադրատոմսի շնորհիվ հավի կրծքամիսը դառնում է աներևակայելի փափուկ և հյութալի: Դուք նվազագույն ժամանակ կծախսեք պատրաստելու վրա, բայց առավելագույն հաճույք կստանաք այս ուտեստից:

Տապակած կրծքամիս. Անհրաժեշտ բաղադրիչները

_Հավի փափկամիս 500 գ

_Ձու 2 հատ

_Պանիր 200 գ

_Թթվասեր 2 ճաշի գդալ

_Օսլա 1 ճաշի գդալ

_Աղ և պղպեղ` ըստ ճաշակի

_Սոյայի սոուս 1 ճաշի գդալ

Տապակած կրծքամիս. Պատրաստման եղանակը

_Հավի միսը կտրել շերտերով և շատ լավ ծեծել:

_Աղ և պղպեղ, շաղ տալ հավի համեմունքներով:

_Խմորի համար խառնել թթվասերը, ձվերը, սոյայի սոուսը և օսլան:

Հուշում. Սոուսը համասեռ դարձնելու համար նախ ձվերը հարեք, ապա ավելացրեք մյուս բաղադրիչներին:

_Քերել պանիրը մանր քերիչով:

_Անձեռոցիկներով չորացնել մսակտորները և թաթախել խմորի մեջ, հետո՝ պանրի մեջ, կրկին թաթախել խմորի և պանրի մեջ:

_Բուսական յուղը տաքացնել մի փոքր միջինից բարձր կրակի վրա և արագ տապակել կոտլետները երկու կողմից:

_Դրանք դնել անձեռոցիկների վրա, այնուհետև շարել մատուցման ափսեի վրա:

Ես այս կոտլետները մատուցում եմ թարմ բանջարեղենային աղցաններով, կարտոֆիլի պյուրեով և այլ կողմնակի ուտեստներով:

Տապակած կրծքամիսը պատրաստ է:

Բարի ախորժակ:

Տեսանյութ

Հավի կրծքամիսով տապակա