Տապակած շամպինիոն. Նախուտեստ տոնական սեղանի համար 

Պատրաստենք տապակած շամպինիոն, այնքան համեղ խորտիկ է, որ կարող եք չդիմանալ և անմիջապես ուտել։

Երբ ես այն պատրաստում եմ տոնի համար, վստահ եմ, որ հյուրերը անպայման հավելում կխնդրեն, այնպես որ ավելի շատ եմ պատրաստում։ Այն շատ պարզ ու հեշտ է պատրաստվում, իսկ համն անհավատալի է։

Տապակած շամպինիոն. Անհրաժեշտ բաղադրիչները

_Շամպինիոններ 500 գր

_Բուսական յուղ 3 ճաշի գդալ

_Սոյայի սոուս 3 ճաշի գդալ

_Կես կիտրոնի հյութ

_Սխտոր 3-4 պճեղ

_Համեմի սերմ 0,5 թեյի գդալ

_Կոճապղպեղ 0,5-1 թեյի գդալ

_Օրեգանո 1 թեյի գդալ

_Բարբարիս 1 թեյի գդալ

_Մեղր 1 թեյի գդալ

_Մաղադանոս կանաչի՝ ըստ ճաշակի

Տապակած շամպինիոն. Պատրաստման եղանակը

_Սունկը լցնել թավայի մեջ, եթե մեծ են, կարելի է կտրատել։

_Այնուհետև լցնել բուսական յուղը, սոյայի սոուսը, կիտրոնի հյութը։

_Ավելացնել սխտորը, համեմի սերմը, աղացած կոճապղպեղը, օրեգանոն, բարբարիսը, ապա ավելացնել մեղրը։

_Խառնել ու ծածկել, միջին կրակի վրա՝ կափարիչով ծածկված, եփել 5-7 րոպե։

_Այնուհետև հանել կափարիչը և եփել այնքան, մինչև ամբողջ հեղուկը գոլորշիանա։

_Ժամանակ առ ժամանակ խառնել, սոուսը, որի մեջ եփվում է սունկը, պետք է թանձրանա։

Եփելու վերջում ավելացնել աղը՝ ըստ ճաշակի։ Մատուցելուց առաջ պատրաստի սունկի վրա լցնել կտրատած մաղադանոս։

Բարի ախորժակ:

Տեսանյութ

Ժուլիեն