Տապակած ռուլետների արագ և հեշտ բաղադրատոմս։ Ամեն ինչ շատ հեշտ է արվում, իսկ ուտեստի կտորները ստացվում են փարթամ ու փափուկ։
Տապակած ռուլետներ. Անհրաժեշտ բաղադրիչները
_Ցանկացած աղացած միս 500 գր
_Ձու 1 հատ
_Սոխ 1 հատ
_Աղ, համեմունքներ՝ ըստ ճաշակի
_Քերած պանիր 150 գր
_Ձու 2 հատ
_Աղ և պղպեղ՝ ըստ ճաշակի
_Կաթ 250 մլ
_Ալյուր մոտ 7 ճաշի գդալ
Տապակած ռուլետներ. Պատրաստման եղանակը
_Աղացած միսը համեմել ձվով, աղով և համեմունքներով, մանր կտրատած սոխով և խառնել։
_Սեղանի վրա փռել խոհանոցային թաղանթի մի քանի շերտ և տարածել աղացած միսը։
_Հավասարեցնել ուղղանկյուն շերտով և վրան քերած պանիր ցանել, թաղանթով օգնելով՝ ռուլետ փաթաթել։
_Ռուլետը փաթաթելուց հետո 3 ժամով դնել սառցարանը։
_Ռուլետը կտրատել 1 սմ հաստությամբ մասերի։
_Ձուն խառնել աղի, պղպեղի, կաթի հետ և ավելացնել ալյուրը։
_Զանգվածը պետք է թանձր լինի, ինչպես ավանդական խմորը։
_Ռուլետի յուրաքանչյուր կտոր թաթախել խմորի մեջ և տապակել բուսայուղի մեջ, մինչև կարմրի, մարմանդ կրակի վրա:
_Դնել թղթե սրբիչների վրա՝ ավելորդ յուղը հեռացնելու համար և շարել ափսեի վրա։
Հրաշալի ուտեստ է ստացվում, միջուկը ռուլետի տեսքով կարելի է պատրաստել հետագա օգտագործման համար և պահել սառցախցիկում՝ ամեն անգամ ավելացնելով տարբեր մթերքներ և ստանալով նոր միջուկներ։
Բարի ախորժակ:
