Տատիկի կարկանդակներ. Համեղ, քնքուշ և փափուկ: Այս բաղադրատոմսով պատրաստված կարկանդակները ձեզ կտանեն հիշողության գիրկը: Դրանք նուրբ ու եթերային են ստացվում:
Կարկանդակների այս բաղադրատոմսը առաջին իսկ փորձից կնվաճի ձեզ և ձեր սիրելիներին: Դրսից փխրուն կեղևով, իսկ ներսից՝ աներևակայելի քնքուշ, պարզապես հեքիաթային համ ունեցող: Այնքան հաճելի ու քնքուշ են, որ պարզապես մատները հետը կուտեք:
Содержание
Տատիկի կարկանդակներ. Անհրաժեշտ բաղադրիչները
Խմոր
- Կարտոֆիլի տաք արգանակ 400 մլ
- Աղ ըստ համտեսի
- Ձու 1 հատ
- Թարմ խմորիչ 10 գ կամ չոր 5 գ
- Բուսական յուղ 50 մլ
- Ալյուր 600 գ
Լցոն
- խաշած կարտոֆիլ — 800 գր
- աղ + պղպեղ ՝ ըստ ճաշակի
- սոխ — 1 հատ տապակել
- բուսական յուղ` տապակելու համար
Տատիկի կարկանդակներ. Պատրաստման եղանակը
- Նախ, կարտոֆիլը պետք է խաշել, իսկ հետո պատրաստի կարտոֆիլի արգանակը քամել: Լցնել այն ամանի մեջ, ավելացնել աղ` ըստ ճաշակի: Հարել ձուն:
- Այնուհետև ավելացնել խմորիչը, խառնել եւ ավելացնել ալյուրը: Լցնել բուսական յուղի մեջ, ձեռքերով հունցել փափուկ խմոր:
- Խմորը յուղել բուսական յուղով, ծածկել սննդային թաղանթով և դնել տաք տեղում 1,5-2 ժամ:
- Կարտոֆիլը տրորել, դարձնել պյուրե, դրան ավելացնել տապակած սոխը, աղ և պղպեղ ըստ ճաշակի: Լավ խառնել մինչև հարթ զանգված դառնա:
- Սեղանն ու ձեռքերը առատորեն խոնավացնել բուսական յուղով, խմորը բաժանել 9-10 հավասար մասերի, յուրաքանչյուր մասից բլիթներ ձևավորել:
- Դնել կարտոֆիլի միջուկը յուրաքանչյուր բլիթի մեջտեղում, հավաքել եզրերը:
- Կարկանդակները դնել շատ բուսայուղով կաթսայի մեջ, տապակել երկու կողմերից` մինչև կարմրի: Կրակը պետք է միջինից մի փոքր բարձր լինի, եփելիս մի քանի անգամ շրջել կարկանդակները, որ համաչափ տապակվեն:
Տատիկի կարկանդակները պատրաստ են:
Բարի ախորժակ: