Տաք սենդվիչներ. Համեղ խորտիկի համար պետք է ուղղակի աղացած միսը քսել հացին և թխել ջեռոցում

Եկեք խոսենք այն մասին, թե ինչպես կարելի է Տաք սենդվիչներ պատրաստել հեշտ ու արագ առավոտյան նախաճաշի համար։

Սենդվիչներն աշխարհի բոլոր խոհանոցներում ամենաշատ օգտագործվող ուտեստներից են։ Նրանք կարող են տարբեր անուններ ունենալ՝ սենդվիչ, համբուրգեր, բայց էությունը մնում է նույնը։ Մարդկությունը վաղուց է դադարել այդպես անվանել միայն հաց ու կարագ կամ հաց ու պանիր համադրությունները։ Այժմ սենդվիչ կարող է լինել ցանկացած ուտեստ՝ պատրաստված հացից, բանջարեղենից, երշիկներից և այլ բաղադրիչներից։

Տաք սենդվիչներ. Բաղադրիչները

_ հաց — 4 շերտ

_ աղացած միս — 200 գ

_ սոխ — կես հատ

_ աղ — թեյի գդալ

_ գազավորված ջուր — 50 մլ

_ պանիր — 100 գ

_ սամիթ — մի փունջ

Տաք սենդվիչներ. Պատրաստման եղանակը

_ Սոխի կեսը կտրատել փոքր խորանարդիկներով, ավելացնել աղացած մսին։

_ Մսամթերքին աղ անել, լցնել գազավորված ջուրը ու լավ խառնել։

_ Հացի կտորները դնել յուղաթղթով պատված ջեռոցի տապակի վրա:

_ Պանիրը մանրացնել միջին քերիչով։

_ Տապակի վրա դրված հացի կտորներին քսել աղացած մսի շերտ, վրան լցնել քերած պանրի շերտ։

_ Սենդվիչները թխել ջեռոցում 180 աստիճան տաքացրած ջեռոցում 25 րոպե։

_ Այդ ընթացքում սամիթը մանր կտրատել և մատուցելուց առաջ ցանել սենդվիչների վրա։

Ստացվում է համեղ խորտիկ, որը կարող է փոխարինել սովորական սենդվիչներին։

Եփելիս կարող եք աղացած մսին ըստ ճաշակի ավելացնել ձեր սիրած համեմունքները։

Բարի ախորժակ: