Տնական բլինչիկներ. Ինչ կարող է լինել ավելի համեղ, երեխաների և մեծահասակների համար

Ուզում եմ ձեզ առաջարկել մսի միջուկով տնական բլինչիկներ, որոնք սիրում են բոլորը՝ թե՛ երեխաները, թե՛ մեծահասակները:

Յուրօրինակ բաղադրատոմսը ձեզ դուր կգա:

Տնական բլինչիկներ. Անհրաժեշտ բաղադրիչները

_Ձու 4 հատ

_Կաթ 500 մլ

_Աղ մի պտղունց

_Շաքարավազ 1 ճաշի գդալ

_Բուսական յուղ 20 մլ

_Ալյուր մոտ 200 գր

_Աղացած հավի միս 250 գր

_Սոխ 1 հատ

_Աղ և պղպեղ՝ ըստ ճաշակի

_Համեմունքներ մսի համար

Տնական բլինչիկներ. Պատրաստման եղանակը

_Աղը և շաքարավազը լցնել ձվերի վրա, խառնել, լցնել կաթի և բուսական յուղի մի մասը և հարել հարիչով:

_Լցնել մաղած ալյուրը և խառնել մինչև հարթվի: Խմորի թանձրությունը պետք է նման լինի թթվասերի:

_Լցնել մնացած կաթը և շարունակել խառնել:

_Տապակել բարակ նրբաբլիթներ: Խմորը նուրբ է, ուստի փոքր քանակությունը բավարար է նրբաբլիթի համար:

_Սոխը բլենդերով մանրացնել կամ դանակով մանր կտրատել:

_Աղացած միսը խառնել սոխի հետ, աղ և պղպեղ անել: Ավելացրեք ձեր նախընտրած համեմունքները:

_Պատրաստի բլիթները կտրեք երկու մասի և յուրաքանչյուրի վրա բարակ շերտով քսեք աղացած միս: Այն փաթաթել եռանկյունաձև:

_Բլինչիկները տապակել թավայի մեջ և մատուցել թթվասերով, կարագով կամ կանաչ սամիթով և թթվասերով սոուսով:

Պատրաստի բլինչիկների մի մասը կարող եք դնել սառցարանը, իսկ մի մասն անմիջապես տապակել:

Սա շատ խնայող բաղադրատոմս է. Խմորի և աղացած մսի նման քանակից ստացվում է մեծ քանակությամբ համեղ բլինչիկներ:

Բարի ախորժակ:

Տեսանյութ

Ավանդական նրբաբլիթներ