Միայն տնական բոքոնները կարող են այդքան հիանալի հոտ ունենալ: Այո, խանութից կարելի է գնել ամենաարտասովոր հացամթերքը, սակայն դրանք չունեն հիմնական բաղադրիչը` սերը:
Ի վերջո, հենց այս բաղադրիչի շնորհիվ է, որ տնական թխվածքն այնքան աներևակայելի համեղ է: Այս բաղադրատոմսի համաձայն պատրաստված բոքոնը ստացվում է բուրավետ, համեղ, նուրբ միջուկով և ախորժելի կեղևով …
Այն հիշեցնում է մանկությունից ծանոթ հացի համը: Իդեալական է որպես հիմնական ուտեստների ուղեկցում, և որպես հիմք՝ համեղ սենդվիչների համար:
Այսպիսով, ժամանակն է ձեր տնական հացը պատրաստել ջեռոցում:
Տնական բոքոններ. Անհրաժեշտ բաղադրիչները
_250 գ ալյուր
_6 գ չոր խմորիչ
_4 գ աղ
_30 գ կարագ կամ մարգարին
_100 մլ կաթ
_50 մլ ջուր
Վրան քսելու համար
_1 ձվի դեղնուց
_5 գ կաթ
Տնական բոքոններ. Պատրաստման եղանակը
_Բոլոր չոր բաղադրիչները մի ամանի մեջ խառնել, ավելացնել մարգարին, կաթն ու ջուրը:
Խմորը հունցել:
_Պատրաստի խմորը դնել թեթևակի բուսական յուղով յուղած ամանի մեջ, ծածկել փայլաթիթեղով և դնել տաք տեղում՝ 30 րոպե:
_30 րոպե հետո հանել և հունցել խմորը: Կրկին ծածկել ամանը փայլաթիթեղով և դնել այն տաք և հանգիստ տեղում ևս 1 ժամ:
_Հասած խմորից սկսեք բոքոն ձևավորել: Ալյուր ցանել աշխատանքային մակերեսի վրա, վրան դնել խմորը և բացել այն մոտ 0.5 սմ հաստությամբ շերտով:
_Ոլորել խմորը ռուլետի պես, ոչ շատ ձիգ, բայց միևնույն ժամանակ բավականաչափ սեղմ, որպեսզի պատրաստի բոքոնի մեջ բացեր չլինեն:
_Խմորի յուրաքանչյուր ամբողջական պտույտից հետո կարևոր է մատներով սերտորեն սեղմել այն:
_Ոլորելուց հետո, վերջում, պատշաճ կերպով ամրացնել եզրը: Այսպես ձևավորված բոքոնը դնել ջեռոցի տապակի վրա: Ծածկել սրբիչով և կրկին մի կողմ դնել 30 րոպե:
_Օգտագործելով սուր դանակ՝ բոքոնի մակերեսին բնորոշ թեք կտրվածքներ անել: Մակերեսին քսել կաթի հետ հարած ձվի դեղնուց:
_Ջեռոցը տաքացնել մինչև 200 աստիճան: Թխել բոքոնը նախապես տաքացրած ջեռոցում 30 րոպե:
Պատրաստի բոքոնը սառեցնել մետաղալարով ցանցի վրա:
Բարի ախորժակ:
Տեսանյութ
Ֆիթնես հաց
