Տնական երշիկ. Այս բաղադրատոմսը կգերի ձեզ բառացիորեն առաջին իսկ փորձից

Տնական երշիկ. Այս բաղադրատոմսը կգերի ձեզ բառացիորեն առաջին իսկ փորձից: Տնային պայմաններում երշիկի պատրաստելը թվում է թե շատ բարդ ու աշխատատար պրոցես է, բայց այս բաղադրատոմսով դուք կհամոզվեք, որ ամեն ինչ ավելի քան հեշտ ու պարզ է:

Դուք սա կարող եք պատրաստել և մատուցել ամեն օր: Արդյունքը կգերազանցի բոլոր սպասելիքները, վստահ ենք, որ ձեր իսկ ձեռքով պատրաստված այս երշիկը դուր կգա ձեր սիրելիներին:

Տնական երշիկ. Անհրաժեշտ բաղադրիչները

• Խոզի ճարպոտ միս 300-400 գ
• 1 գլուխ սոխ
• Սխտոր 3 պճեղ
• Աղ՝ ըստ ճաշակի
• Պղպեղ` ըստ ճաշակի
• Իտալական համեմունքներ 5 գ
• Համեմունքներ բանջարեղենի համար 10 գ;
• Ալյուր 400 գ
• Կաթ 300 մլ
• Ջուր 300 մլ
• Աղիք 3 մ (փոխարինիչ կարող եք գտնել սուպերմարկետում)
• Բուսական յուղ 30 մլ

Տնական երշիկ.Պատրաստման եղանակը

1. Երշիկի պարկը հանել տոպրակից, դնել խոր ամանի մեջ և վրան ջուր լցնել: Թողեք մնա ջրի մեջ մի քանի րոպե՝ ձեռքերով պարբերաբար խառնելով: Երբ բավական փափկի, պետք է գտնել եզրը և այնտեղ ջուր լցնել:
2. Այժմ սկսենք պատրաստումը: Վերցնել խոզի ճարպոտ միսը, կտրատել ​​փոքր խորանարդներով, լցնել տաք թավայի մեջ, տապակել մինչև ոսկեգույն դառնան, այդ ժամանակ պետք է սխտոր ավելացնել:
3. Դրանից հետո տապակած ճարպին ավելացնել մանր կտրատած սոխ, էլի տապակել մինչև ոսկե դարչնագույն: Դրանից հետո ավելացնել աղը, իտալական և բանջարեղենի համեմունքները, մի փոքր պղպեղ անել և տապակել 1 րոպե:
4. Առանձին ամանի մեջ խառնել ալյուրը, լցնել կաթը, ավելացնել ջուր, նրբաբլիթի խմորի նման խտության խմոր պատրաստել:
5. Նախապես տապակած բաղադրիչները լցնել այս զանգվածի մեջ: Թող մնա 5 րոպե:
6. Այժմ վերցնել աղիքը, քամել ավելցուկային ջուրը, կապել եզրը և լցնել ստացված զանգվածը՝ հավասարաչափ բաշխելով: Աղիքի մեջ լցնելու համար կարելի է վերցնել պլաստիկե շշի վերևի մասը և օգտագործել որպես ձագար: Լցնելուց հետո թելերով կապել երշիկի եզրերն իրար:
7. Պատրաստի երշիկները գցել եռացրած ջրի մեջ, խաշել, հանել երշիկները:
8. Ջեռոցի տապակի վրա յուղաթուղթ փռել, այն յուղել ​​բուսայուղով, վրան շարել խաշած երշիկները, ատամի չոփիկով ծակծկել ամբողջ մակերեսը, և յուղել բուսայուղով:
9. Այժմ տապակը դնել ենք 180 աստիճանով տաքացված ջեռոցում՝ 20-25 րոպե:

Երշիկը ստացվում է աներեւակայելի համեղ, հյութալի, անուշաբույր: Այս երշիկը կարելի է մատուցե և տաք, և սառը վիճակում:

Տնական երշիկը պատրաստ է:

Բարի ախորժակ:

Խոզի Ապուխտ տնային պայմաններում. 2 համեղ տարբերակ / Խոզապուխտ