Տնական լոշիկներ պատրաստելու ընթացքում թավայի մեջ խմորը փչվում է գնդակի նման։ Արդյունքում բլիթի ներսում խոռոչ է ստացվում, որի մեջ կարելի է միս, աղցան կամ այլ միջուկ դնել։
Խմորիչով խմորի բաղադրատոմսի շնորհիվ բլիթները կուռչեն։ Սրանք կարելի է անմիջապես պատրաստել և հենց առավոտից կկարողանաք մատուցել ձեր հարազատներին ամենաթարմ տաք հացիկներով։
Միջուկի համար հարմար է այն ամենը, ինչ գտնվում է սառնարանում։ Ձեր ընտրությամբ ցանկացած լցոն՝ բանջարեղեն, թարմ կամ թթու, հազար, խոզապուխտ, պանիր, խաշած ձու, շոգեխաշած տավարի միս, հավի կոտլետներ, ֆալաֆել…
Եվ սա դեռ ամենը չէ: Կարող եք մատուցել քաղցր տարբերակը փափուկ կաթնաշոռով և մրգի կտորներով կամ մուրաբայի հատիկներով: Երեխաներին անպայման դուր կգա:
Տնական լոշիկներ թավայի մեջ. Բաղադրիչներ
_Ջուր 100 մլ
_Թթվասեր 100 գ
_Չոր խմորիչ 1 թեյի գդալ
_Շաքարավազ 1 թեյի գդալ
_Ցորենի ալյուր 250 գ
_Աղ 1 պտղունց
_Ձիթապտղի յուղ 1 ճաշի գդալ
Տնական լոշիկներ թավայի մեջ. Պատրաստման եղանակը
_Ալյուրը մաղել խորը ամանի մեջ։ Ավելացնել բոլոր չոր բաղադրիչները՝ խմորիչ, աղ և շաքար, խառնել։
_Ավելացնել թթվասեր և լցնել տաք ջուրը։ Խառնել և ավելացնել ձիթապտղի յուղ:
_Առաձգական խմոր հունցել։ Թողնել ամանի մեջ, որ հասունանա 1,5 ժամ։
_Հասունացած խմորը հունցել, գրտնակել մոտ 2 սմ հաստությամբ բլիթի ձևով, կտրել 8 եռանկյունիների։
_Կլոր բլիթ պատրաստելու համար յուրաքանչյուր եռանկյունու անկյունները մոտեցրեք դեպի կենտրոն, գնդիկներ արեք, թողեք սրբիչի տակ 30 րոպե։
_Դրանից հետո յուրաքանչյուր գնդիկը գրտնակել մինչև 5 մմ հաստությամբ։
_Չոր, լավ տաքացրած թավայի մեջ (առանց ձեթի) տապակել բլիթները։
_Տապակելու ընթացում, երբ խմորը սկսում է պղպջակել, թեթևակի սեղմեք դրանք բահիկով, որպեսզի ներսի օդը հավասարաչափ բաշխվի ամբողջ տարածքում։
Երբ բլիթները սառչում են, դրանք նստում են, դառնում հարթ և փափուկ: Այժմ հարմար է դրանք դնել տոպրակի կամ տարայի մեջ ու սառեցնել։ Կարելի է պահել սառնարանում:
Հանեք, հալեցրեք, տաքացրեք ըստ անհրաժեշտության, և ահա նոր բրդուճների համար փաթեթը պատրաստ է:
Բարի ախորժակ!
Տեսանյութ
Խաչապուրի թավայի մեջ
