Ուզում եմ ձեզ հետ կիսվել տնական հացի պարզ, բայց միևնույն ժամանակ օրիգինալ բաղադրատոմսով։
Բաղադրատոմսի անսովորությունը դրա պատրաստման մեջ է՝ մենք այն թխելու ենք խոհարարական տոպրակի մեջ: Երբ ես առաջին անգամ փորձեցի՝ ուղղակի ցնցված էի: Փափուկ, եթերային, բուրավետ, խրթխրթան կեղևով, շատ համեղ հացը ձեր ընտանիքին դուր կգա:
Տնական հաց. Անհրաժեշտ բաղադրիչները
_Տաք ջուր 400 մլ
_Ալյուր մոտ 700 գր
_Կենդանի խմորիչ 25 գր
_Աղ 1,5 թեյի գդալ
_Շաքարավազ 1 թեյի գդալ
_Բուսական յուղ 3 + 2 ճաշի գդալ
Տնական հաց. Պատրաստման եղանակը
_Վերցնել ամենաբարձր կարգի ալյուրը: Հաց թխելու հաջող արդյունքը մեծապես կախված է դրա որակից:
_Խմորիչը լուծել տաք ջրի մեջ, լցնել բուսայուղը, աղը և շաքարավազը, լավ խառնել։
_Ալյուրը մաղել և ավելացնել զանգվածին։
Հուշում. Ձեզ անհրաժեշտ կլինի մոտ 650 — 770 գ ալյուր, այնպես որ լցրեք դրա մեծ մասը և անհրաժեշտության դեպքում՝ ավելացնել։
_Խմորը հունցել, այն կլինի մի փոքր կպչուն, փափուկ։
_Ծածկել և դնել տաք տեղ 1 ժամով։
_Խմորը նորից հունցել՝ բոլոր կողմերից մինչև կեսը հավաքել ամանի մեջ: Կրկին ծածկել և ևս 30 րոպե թողնել տաք տեղում:
_Սեղանին ալյուր ցանել, խմորը դնել ու բոքոնի տեսքով ձևավորել։
_Խմորի վրա կտրվածքներ անել ու մի քիչ ալյուր ցանել։
_Ջեռոցի տապակը ծածկել յուղաթղթով։
_Բոքոնը դնել թխելու համար նախատեսված տոպրակի մեջ, ամրացնել ծայրերը։
_Թողնել 25 րոպե հանգստանա։
_Դնել սառը ջեռոցը ու միացնել 200 աստիճան, թխել մոտ 45 րոպե։
_Հանել տոպրակից և թողնել, որ բոքոնը սառչի։
Բարի ախորժակ:
Տեսանյութ
Ֆիթնես հաց. Առողջ և դիետիկ հաց
