Փորձելով մեկ անգամ Տնական ֆրանսիական բագետ թխել, չեք պատկերացնի առավոտն առանց դրա: Նախաճաշն ամենակարևոր կերակուրն է: Այն հագեցնում և ուժ է հաղորդում ողջ օրվա համար։ Թարմ թխած բագետը կտրեք բարակ շերտերով: Յուրաքանչյուր կտորին քսել կարագ և աղ ցանել կամ պանրի շերտ դնել։
Շատերը խրթխրթան բագետ են ուտում նույնիսկ առանց որևէ հավելումի։ Խրթխրթան կեղևը, նուրբ միջուկը կգրավեն հենց առաջին պատառից։
Դե, ուրեմն անցնենք բաղադրատոմսին։ Մեզ անհրաժեշտ է ընդամենը չորս բաղադրիչ. Պատրաստեք ցորենի ալյուրը, տաք ջուրը, խմորիչը և աղը։ Եկեք սկսենք:
Տնական ֆրանսիական բագետ. Բաղադրիչներ
_Ջուր 350 մլ
_Աղ 1 թեյի գդալ
_Ցորենի ալյուր 550 գ
_Խմորիչ 5 գ
Տնական ֆրանսիական բագետ. Պատրաստման եղանակը
_350 մլ ջուր տաքացնել և մեջը լուծել 5 գ չոր խմորիչ և մեկ թեյի գդալ աղ։
_Թողնել 5-7 րոպե, որպեսզի խմորիչը ակտիվանա։
_Այժմ դուք պետք է չափել 550 գ ցորենի ալյուր: Երբ խմորիչը բարձրանա, ալյուրը մաս-մաս մաղել դրա վրա։ Եվ ամեն ինչ լավ խառնել։
_Դրանից հետո խմորը թողնել կես ժամ։ Այս ընթացքում այն պետք է աճի:
_Երեսուն րոպե հետո խմորը ձեռքերով հունցել ալյուր ցանած հարթ սեղանի վրա, որպեսզի խմորը չկպչի։
_Ջեռոցի տապակի վրա, որի մեջ պետք է թխվեն բագետները, ցանել ալյուր։ Խմորը բաժանել երկու հավասար մասերի։ Յուրաքանչյուրից կազմել կոկիկ բագետ:
_Դրանից հետո մեր ֆրանսիական բագետները ծածկել սրբիչով և թողնել 20 րոպե հասունանա։
_Մինչ խմորը բարձրանում է, մի քիչ ջուր լցրեք ներքևի թավայի մեջ:
_Թխելու ընթացքում ջուրը գոլորշիանալու է։ Դա անհրաժեշտ է, որպեսզի բագետները ծածկվեն փխրուն կեղևով։
_Ջեռոցը տաքացնել 220 աստիճան։
_Այժմ հանեք սրբիչը, խմորի վրա ցանել մաղած ալյուր և սուր դանակով երկայնակի թեք կտրվածքներ անել։
_Հացը դնել ջեռոցում, երբ ջեռոցի տապակի վերևում ջրի գոլորշի է հայտնվում։
_Թխել 40 րոպե։
Անպայման թխեք այս բագետները և մոռացեք գնումների մասին։
Բարի ախորժակ!
Տեսանյութ
Ֆիթնես հաց
