Փարթամ բլիթներ. Առանց ձվի և կաթի լոշիկներ հացի փոխարեն

Պատրաստում ենք Փարթամ բլիթներ առանց դասական բաղադրիչների:

Սրանք կարող եք տապակել չոր կամ յուղապատ տապակի մեջ։ Ամեն դեպքում, թեյի հետ նախաճաշին ստանում եք փափուկ, եթերային և համեղ բլիթներ:

Ի դեպ, սրանք հացի փոխարեն կարող եք մատուցել նաև ճաշին և ընթրիքին։

Փարթամ բլիթներ. Անհրաժեշտ բաղադրիչները

_Տաք ջուր 350 մլ

_Չոր խմորիչ 6 գր

_Աղ 1 թեյի գդալ

_Շաքար 1 թեյի գդալ

_Ալյուր 520 գր

Փարթամ բլիթներ. Պատրաստման եղանակը

_Տաք ջրի մեջ լուծել շաքարավազն ու խմորիչը, խառնել և թողնել 5 րոպե կամ մինչև փրփուր առաջանա։

_Ավելացնել աղը, խառնել։

_Ալյուրը մաղել և մաս-մաս լցնել, զանգվածը հունցել։

_Հնարավոր է, որ ձեզ ավելի քիչ ալյուր անհրաժեշտ լինի, այնպես որ խմորը լավ հունցեք և ալյուրով շատ չպնդացնեք:

_Զանգվածը պետք է լինի փափուկ, հարթ, ոչ կպչուն, շատ ճկուն։

_Խմորը ծածկել և թողնել տաք տեղում 1 ժամ։

_Սեղանը և ձեռքերը յուղել բուսայուղով, խմորը դնել, բռունցքներով տրորել և բաժանել 6 մասի։

_Յուրաքանչյուրը կտորը գնդիկ անել, ծածկել:

_Գնդիկները գրտնակել շերտերով՝ ըստ թավայի չափի։

_Տապակել յուղած կամ չոր տապակի մեջ, թույլ կրակի վրա՝ մինչև ոսկե դարչնագույնը:

_Շարել իրար վրա, վրաները կարագ քսել։

Բլիթները փափուկ են, թեթև, բուրավետ և շատ համեղ։

Բարի ախորժակ:

Տեսանյութ

Ֆիթնես հաց առողջ ու դիետիկ