Փափուկ կոտլետներ. Ընտանեկան երեկոյի համեղ ուտեստ, որը դուր կգա թե մեծերին, թե փոքրերին
Ես վերցնում եմ աղացած միս, կարտոֆիլ և սոխ և պատրաստում եմ համեղ ընթրիք ամբողջ ընտանիքի համար: Սա ուղղակի հրաշք է, քանի որ մեզ պետք չեն յուրահատուկ ինչ-որ մթերքներ գնել, կամ բարդ գործողություններ անել պատրաստման ժամանակ:
Ամենատարածված մթերքներով` կարտոֆիլով և աղացած մսով ստացվում է հագեցնող ու հաճելի, պարզ ուտեստներից մեկը:
Փափուկ կոտլետներ. Անհրաժեշտ բաղադրիչները
- Կարտոֆիլ 3 հատ
- Աղացած միս 500 գ
- Սոխ 1 հատ
- Ձու 1 հատ
- Թթվասեր 2 ճաշի գդալ
- Կետչուպ 2 ճաշի գդալ
- Մսի համեմունքներ, աղ, պղպեղ՝ ըստ ցանկության
- Ջուր 250 մլ
Փափուկ կոտլետներ. Պատրաստման եղանակը
- Քերել կարտոֆիլը խոշոր քերիչով, սոխը մանր կտրատել:
- Աղացած միսը խառնել սոխի հետ:
- Քերած կարտոֆիլը մի փոքր քամել, ավելացնել ձու, աղ և պղպեղ, ավելացնել համեմունքներ մսի համար և զանգվածը խառնել աղացած մսի հետ:
- Զանգվածը լավ հունցել և գնդիկներ կազմել:
- Տապակելու թավայի մեջ տաքացնել բուսական յուղը և գնդերը տապակել բոլոր կողմերից մինչև ոսկե դարչնագույն դառնան:
- Խառնել թթվասերն ու կետչուպը, ջուր ավելացնել, աղ անել, լավ խառնել:
- Երբ կոտլետների լավ կարմրեն, սոուսը լցնել թավայի մեջ, ծածկել և թույլ կրակով եփել մոտ 40 րոպե:
Հուշում. Կոտլետները բուրավետ դարձնելու համար սոուսին ավելացրեք կանաչիներ, իսկ եթե ունեք յուղալի սերուցք, պատրաստեք ոչ թե թթվասերով, այլ սերուցքով, այդպես սոուսի և կոտլետների համը շատ նուրբ կլինի:
Բարի ախորժակ
Տեսանյութ
Դդմիկով կոտլետ