Փափուկ կոտլետներ. Նրբահամ հյութեղ ուտեստ ընթրիքին

Այս անգամ պատրաստենք այսպիսի Հյութալի Փափուկ կոտլետներ, որոնք ձեզ անպայման դուր կգան։

Մածունի և քերած սոխի շնորհիվ սովորական կոտլետները դառնում են շատ հյութալի, նուրբ, բուրավետ, կարիք չկա հաց կամ քերած բանջարեղեն ավելացնել։

Փափուկ կոտլետներ. Անհրաժեշտ բաղադրիչները

_Մածուն 200 գր

_Սոդա 1 թեյի գդալ

_Աղ 1 թեյի գդալ

_Շաքար 1 թեյի գդալ

_Սոխ 1 հատ

_Ձու 1 հատ

_Համեմունքներ և պղպեղ՝ ըստ ճաշակի

_Ալյուր 100 գր

Փափուկ կոտլետներ. Պատրաստման եղանակը

_Աղացած միսը խառնել սոդայի և մածունի հետ, հունցել միասեռ զանգված։

_Ավելացնել ձուն, աղն ու շաքարավազը, քերած սոխն ու համեմունքները, պղպեղի խառնուրդն ու այլ համեմունքներ՝ ըստ ճաշակի։

_Շատ լավ խառնել զանգվածը։

_Ավելացնել ալյուրը և հունցել։

_Բուսական յուղը տաքացնել տապակի մեջ և ճաշի գդալով լցնել աղացած միսը, կոտլետները երկու կողմից, կափարիչով ծածկված, տապակել թույլ կրակի վրա։

_Կարելի է բոլոր կոտլետները դնել տապակի մեջ և լցնել մի երկու ճաշի գդալ ջուր, ավելացնել դափնու տերև, եփել մի քանի րոպե։

Այսպիսի քնքուշ և հյութալի կոտլետները՝ եթերային և բուրավետ, կարելի է մատուցել թթվասերի կամ մայոնեզի կծու սոուսով, սխտորով և սամիթով։

Ըստ ցանկության և ճաշակի, սոուսին ավելացնել քերած հալած պանիր։

Կոտլետները համակցվում են տարբեր կողմնակի ճաշատեսակների հետ, օրինակ՝ կարտոֆիլի պյուրեով, սպագետիով և մակարոնով, եփած բրնձով կամ կանաչ ոլոռով և եգիպտացորենով։

Բարի ախորժակ:

Տեսանյութ

Իշլի քյուֆթա