Ձեզ անհրաժեշտ է ունենալ մի քիչ աղացած միս և կարտոֆիլ, առանց խմորիչի խմոր և սեղանին մատուցվում է համեղ Փափուկ պիրոգ։
Փափուկ պիրոգ. Անհրաժեշտ բաղադրիչները
_Ջուր 150 մլ
_Ալյուր 350 գր
_Բուսական յուղ 4 թեյի գդալ
_Մի պտղունց աղ
Միջուկի համար
_Աղացած միս 300 գր
_Կարտոֆիլ 200 գր
_Սոխ 300 գր
_Կարագ 50 գր
_Աղ, պղպեղ՝ ըստ ճաշակի
_Կանաչիներ՝ ըստ ճաշակի
Փափուկ պիրոգ. Պատրաստման եղանակը
_Ալյուրը մաղել և խառնել աղի հետ, այնուհետև վրան լցնել սենյակային ջերմաստիճանի ջուր, բուսական յուղ և հունցել փափուկ, առաձգական խմոր, ծածկել այն և թողնել 30 րոպե։
Հուշում. Շատ ալյուր մի լցրեք, պարզապես ձեռքերով լավ հունցեք։
_Սոխը մանր կտրատել, կարտոֆիլը քերել խոշոր քերիչով, խառնել։
_Աղացած միսը համեմել աղով, համեմունքներով, պղպեղով, ավելացնել սխտորն ու մանր կտրատած կանաչիները։
_Սեղանին ալյուր ցանել ու խմորը բարակ շերտով գրտնակել, վրան նախ լցնել աղացած միսը, վրան՝ սոխն ու կարտոֆիլը շերտով, համեմել պղպեղով և աղով՝ ըստ ճաշակի, շարել կարագի փոքր կտորներ։
_Շերտը պինդ ռուլետի նման փաթաթել՝ ռուլետի եզրերն ամրացնելով։
_Թխելու համար կլոր տապակ վերցնել, բուսայուղ քսել, ռուլետը պարուրաձև փաթաթելով դնել ձևամանի մեջ։
_Վրան քսել հարած դեղնուց և ըստ ճաշակի ցանել քնջութի սերմեր։
_Ջեռոցը տաքացնել 180 աստիճանով և թխել մոտ 30-40 րոպե։
Հուշում. Պիրոգն էլ ավելի համեղ և բուրավետ դարձնելու համար տաք վիճակում քսեք մի կտոր կարագ և մատուցեք սեղանին։
Բարի ախորժակ:
Տեսանյութ
Պիրոգ ֆրանսիական Քիշ Լորեն