Փլավ գազարով և չրերով. Անուշաբույր նուրբ ուտեստը կարող եք պատրաստել թե Զատկի տոնին թե առօրյա ընթրիքի համար

Առաջարկում ենք փորձել նոր բաղադրատոմսով համեղ Փլավ գազարով և չրերով:

Քմահաճ երեխաներն անգամ կհավանեն այս համեղ ուտեստը:

Փլավ գազարով և չրերով. Անհրաժեշտ բաղադրիչները

_Մեղր 2 ճաշի գդալ

_Երկար բրինձ 1,5 բաժակ

_Անանուխ 1 ճյուղ

_Մեծ սոխ 2 հատ

_Կիտրոնի հյութ 4 ճաշի գդալ

_Աղացած չաման 1 թեյի գդալ

_Համեմի սերմ 1 թեյի գդալ

_Չորացրած խուրմա 100 գր

_Բուսական յուղ 2 ճաշի գդալ

_Գազար 75 գր

_Աղացած դարչին 1 թեյի գդալ

_Բանջարեղենի արգանակ 3 բաժակ

_Ծիրանի չիր 100 գր

_Աղ՝ ըստ ճաշակի

_Կծու պղպեղ՝ ըստ ճաշակի

_Թարմ կոճապղպեղի արմատ 5 սմ

Փլավ գազարով և չրերով. Պատրաստման եղանակը

_Բրինձը լավ լվանալ հոսող ջրով, լցնել ամանի մեջ, ավելացնել սառը ջուր և թողնել 30 րոպե։

_Մաքրել գազարը, սոխը և կոճապղպեղի արմատը։ Գազարը կտրատել խոշոր խորանարդիկներով, սոխը՝ օղակներով, կոճապղպեղը մանր կտրատել։

_Հաստ հատակով թավայի մեջ տաքացնել ձեթը, տապակել սոխը 5 րոպե։ Ավելացնել կոճապղպեղը, չամանը, դարչինը, համեմի սերմը և 0,25 թեյի գդալ կծու պղպեղը, խառնելով եփել 1 րոպե։

_Թավայի մեջ լցնել կտրատած գազարը, եփել միջին ջերմության վրա, երբեմն խառնելով՝ 10 րոպե։

_Խուրման և ծիրանի չիրը ողողել, չորացնել, ավելացնել թավայի մեջ, մեղրի և կիտրոնի հյութի հետ միասին, համեմել աղով, եփել 2 րոպե։

_Բրինձը լցնել քամոցի մեջ, մի քանի անգամ ուժգին թափահարել, որպեսզի ջուրը ցամաքի:

_Մաքուր բրինձը լցնել թավայի մեջ և հարթեցնել մակերեսը, չխառնել։ Զգուշորեն վրան լցնել արգանակը, ծածկել կափարիչով, եփել 15 րոպե։

_Փլավը կրակից վերցնել, կափարիչը բացել, որ գոլորշին դուրս գա։

_Բրինձի վրա դնել անանուխի լվացված ճյուղը, նորից փակել կափարիչով և թողնել եփվի 10 րոպե։

Բարի ախորժակ:

Տեսանյութ

Զատիկի Չամիչով փլավ լավաշով չրերով