Առաջարկում ենք շատ հետաքրքիր Փխրուն հացի բաղադրատոմս: Սրա համար մեզ պետք կգա մթերքների նվազագույն հավաքածու, որը միշտ ունենում է յուրաքանչյուր տնային տնտեսուհի:
Պարզ ու մատչելի քայլերով, արդյունքում կստանաք հիանալի, շատ բուրավետ, խրթխրթան հաց։
Փխրուն հաց. Անհրաժեշտ բաղադրիչները
_Տաք ջուր 350 մլ
_Կենդանի խմորիչ 2 թ/գ կամ չոր 10 գր
_Շաքարավազ 1 թեյի գդալ
_Աղ 1 թեյի գդալ
_Ալյուր 500 գր
Փխրուն հաց. Պատրաստման եղանակը
_Տաք ջրի մեջ լուծել շաքարավազն ու խմորիչը, լավ խառնել։
_Ալյուրը մաղել, հնարավոր է, որ ամբողջ քանակությունը հարկավոր չլինի, այնպես որ լցրեք մաս-մաս, ըստ զանգվածի խտության։
_Ալյուրի մեծ մասը խառնել աղի հետ և մաս-մաս լցնել ջրիկ հիմքի մեջ, խառնել և հետո ձեռքերով խմոր հունցել։
_Լցնել 2 ճաշի գդալ բուսական յուղը, որպեսզի ձեռքերին չկպչի և խմորը հունցել առնվազն 3 րոպե։
_Խմորը ծածկել և թողնել 40 րոպե՝ տաք տեղում։
_Բաժանել 2 մասի, հունցել և ձևավորել բոքոններ։
_Տեղադրել յուղաթղթով ծածկված ջեռոցի տապակի վրա, ծածկել և թողնել 20 րոպե։
_Ջուր քսել վրան, կարելի է նաև ալյուր ցանել։
_Թխել 220 աստիճանով մոտ 30 — 35 րոպե, մինչև ոսկե դարչնագույնը:
Հացերը ուղղակի զարմանալի են՝ փխրուն կեղևով, բուրավետ, փափուկ, կտրելիս չեն փշրվում, երկար ժամանակ մնում են թարմ ու փափուկ։
Բարի ախորժակ:
Տեսանյութ
Ֆիթնես հաց