Փխրուն խմորով Փոքրիկ պիցցաներ, որոնք կարող եք լցոնել տարբեր միջուկներով:
Սա հիանալի բաղադրատոմս է նախաճաշի, ճաշի կամ ընթրիքի համար, հրաշալի է պիկնիկի համար:
Փոքրիկ պիցցաներ. Անհրաժեշտ բաղադրիչները
_Ձու 1 հատ + 1 սպիտակուց
_Շաքարավազ 1 ճաշի գդալ
_Աղ 1 թեյի գդալ
_Կարագ 40 գր
_Կաթ 220 մլ
_Խմորիչ 6 գր
_Ալյուր 440 գր
Միջուկը պատրաստելու համար
_Երշիկ՝ ըստ ճաշակի
_Պանիր՝ ըստ ճաշակի
_Մայոնեզ՝ ըստ ճաշակի
_Կետչուպ՝ ըստ ճաշակի
_Լոլիկ՝ ըստ ճաշակի
_Եգիպտացորեն՝ ըստ ճաշակի
Փոքրիկ պիցցաներ. Պատրաստման եղանակը
_Տաք կաթի մեջ ավելացնել հալած կարագը, ձուն, սպիտակուցը, աղը շաքարավազը և խմորիչը։
_Զանգվածը խառնիչով լավ հարել, մինչև ամբողջովին համասեռ լինի։
_Ավելացնել մաղած ալյուրը և հունցել փափուկ ու փարթամ խմոր։
_Կարելի է մի քիչ էլ ալյուր ավելացնել, քանի որ ձվի չափսերը տարբեր են, յուղի խտությունը նույնպես տարբեր է։
_Խմորը ծածկել և թողնել տաք տեղում 30-60 րոպե։
_Խմորը կտրատել և բաժանել 8 գնդիկի։
_Յուրաքանչյուրը գրտնակել մոտ 5 մմ հաստությամբ օվալաձև շերտով և երկու եզրերը սեղմելով նավակ ձևավորել։
_Կողքերը կարելի է եզրերով բարձրացնել, կամ խմորից հյուսք դնել որպես եզրագիծ, սրա շնորհիվ նավակը կայուն է ստացվում և լավ է պահում ձևը:
_Նավակները դնել յուղաթղթով ծածկված ջեռոցի տապակի վրա և քսել կաթի հետ հարած ձու։
_Խմորի վրա քսել կետչուպ, լցնել երշիկի կամ խոզապուխտի կտորներ, եգիպտացորեն, լոլիկի կտորներ, վերջում ցանել քերած պանիր և մայոնեզով ցանց պատրաստել։
_Նավակ — պիցցաները թխել մոտ 25 — 30 րոպե 180 աստիճան ջերմաստիճանում։
Նման միջուկով դուք կստանաք համեղ պիցցաներ: Սրանք կարող եք թխել նաև սնկով, հավի մսով և պանրով։
Բարի ախորժակ:
Տեսանյութ
Պիցցա առանց խմոր թխելու
