Փքուն կարկանդակներ. Կաթով և սոդայով խմորը շատ փափուկ և եթերային է: Այն կատարյալ է տարբեր լցոնումներով կարկանդակների համար:
Դրա հետ կապված մեծ չարչարանք պետք չէ, հետևաբար, այն միշտ օգնության է գալիս, երբ խոհանոցում անցկացնելու երկար ժամանակ չկա:
Փքուն կարկանդակներ. Անհրաժեշտ բաղադրիչները
_Կաթ և հանքային ջուր` յուրաքանչյուրը 100 մլ
_Զտված բուսական յուղ 50 մլ
_Խմորիչ 15 գ
_Շաքար 2 ճաշի գդալ
_Մի պտղունց աղ
_Ալյուր մոտ 400 գ
Միջուկի համար նախատեսված մթերքները (կարելի է այլ միջուկներ օգտագործել)
_Ձու 7 հատ
_Կանաչ սոխի լավ փունջ
_Սոխ 200 գ
_Աղ և պղպեղ
Փքուն կարկանդակներ. Պատրաստման եղանակը
_Ձվերը եփել և սառեցնել, մանր կտրատել կանաչ սոխի և տապակած գլուխ սոխի, աղի և պղպեղի հետ միասին:
_Շաքարն ու խմորիչը տաք կաթի մեջ խառնել:
_Մաղով անցկացրած ալյուրը խառնել աղի հետ, մեջտեղում փոս անել և կաթնային զանգվածը լցնելով դրա մեջ, հունցել մինչև շիլա ստացվի:
_Դրա մեջ լցնել հանքային ջուրը և բուսական յուղը:
Հուշում. Ջուրը և բուսական յուղը պետք է լինեն սենյակային ջերմաստիճանի, իսկ կաթը՝ տաք: Միանգամից մի լցրեք ալյուրի ամբողջ քանակությունը, այն կավելացնեք, երբ սկսեք սեղանի վրա հունցել:
_Խմորը պետք է լինի փափուկ և ճկուն, ոչ թե կպչուն:
_Ծածկել խմորը և թողնել տաք տեղում:
_Կարկանդակները լցոնել միջուկով, եզրերն ամրացնել և թողնել 10 րոպե հանգստանա:
_Ջեռոցի տապակը ծածկել յուղաթղթով և դնել կարկանդակները, վրան քսել ջրով կամ կաթով հարած դեղնուց:
_Թողնել այն 5 րոպե, որպեսզի քսուքը չորանա, արդյունքում դրանք գեղեցիկ տեսք կունենան:
_Թխել 190 աստիճանում մոտ 20 րոպե:
_Տաք կարկանդակների վրա քսել հալված կարագ:
Շատ փափուկ և քնքուշ են ստացվում, կարկանդակները թարմ կլինեն նաև հաջորդ օրը: Վերցրեք ցանկացած միջուկ ձեր ճաշակով՝ աղի կամ քաղցր:
Փքուն կարկանդակները պատրաստ են:
Բարի ախորժակ:
Տեսանյութ
Պեռաշկի կարտոֆիլով