Այսօր Վրացական համեմունքների անուշ բույրով ողողված մեր խոհանոցում իսկական Օջախուրի ենք պատրաստել, մեր լեզվով ասած խոզի մսով և կարտոֆիլով ժառկո, ժարիտ, տապակա, համեղություն, խենթացում, ինչպես կուզեք անվանենք։ Բայց բույրն ու տեսքը այլևս հնարավորություն չեն թողնում երկար նկարահանելու։
Содержание
Օջախուրի Ժարկո Բաղադրիչներ
- Կարտոֆիլ — 800 գր․
- Խոզի փափկամիս — 800 գր․
- Սոխ մեկ խոշոր գլուխ
- Ձիթայուղ կամ կարագ
- Խմելի-սունելի
- Սխտորի փոշի, կարելի է նաև թարմ սխտոր ճզմել
- Վրացական չոր աջիկա
- Թարմ կանաչ — համեմ, կարելի է նաև խառը փունջ
Օջախուրի Ժարկո Ինչպես Պատրաստել
- Կարտոֆիլ հարկավոր է կտրատել խոշոր ուղղանկյունաձև կտորների, ահա այսպիսի
- Խոզի փափկամիսն էլ պետք է նույն կերպ կտրատենք, ցանկալի է ընտրել յուղոտ խոզի միս, որը շատ ավելի համեղ, հյութեղ, լրացուցիչ կարագ այլևս չենք ավելացնի տապակելուց այս դեպքում
- Սա էլ կտրատենք և դնենք կողքի
- Մեկ խոշոր գլուխ սոխը հարկավոր է կիսալուսնաձև կտրատել, եթե առանձնապես չեք սիրում սոխ ավելի մանր կտորների կարող եք վերածել, բայց այն չօգտագործել չեք կարող, պարտադիր բաղադրիչներից է, որն համ ու հոտ է տալիս
- Մի կապ համեմն էլ կտրատենք նախապատրաստենք և անցնենք տապակելու գործին, ի դեպ համեմին կարելի է և ավելացնել ձեր սիրելի թարմ կանաչիներից յուրաքանչյուրը
- Կաթսայի մեջ առատ ձիթայուղ պետք է անենք, ևս մեկ անգամ նշեմ, որ կարագ այլևս չենք անի, խոզի միսը առանց այն էլ յուղոտ է
- Մի լավ տաքանալուց հետո ձիթայուղի մեջ ավելացնում ենք կարտոֆիլը և պետք է սկզբնական ուժեղ կրակի վրա տապակենք, որպեսի կեղև կապի վրան, շառագունի
- Վրացիները շատ են սիրում առատ ձիթայուղի մեջ տապակել իրենց ցանկացած հարմար ուտեստը, որը նաև պետք է լավ կծու լինի, պարտադիր մատուցվի շատ տաք վիճակում, դրանից է որ կավե մատուցարաններով են ուտեստները մատուցվում, հնարավորինս երկար տաք պահելու համար
- Խոզի միսն էլ միացավ կարտոֆիլին ուժեղ կրակի վրա տապակվելու, որքան նախնական կրակը ուժեղ է, այնքան արագ կեղև կկապի և լավ կտապակվի
- Սոխն էլ կավելացնենք և պետք է շարունակաբար խառնենք
- Այժմ համեմելու ճիշտ ժամանակն է, առաջինը արդարացիորեն խմելի-սունելի կլցնենք, այն ուտեստը որտեղ և սազում է և ցանկալի է կամ պարտադիր ավելացնելու խմելի սունելի, որը ես շատ եմ սիրում և օգտագործում
- Սխտորի փոշի ենք ավելացնում, կարելի է նաև թարմ սխտոր ճզմել եթե սիրում եք սուր համը
- Վրացական չոր աջիկա եմ լցնում, որը նաև կծու է շատ ինձ մոտ, եթե այս բաղադրիչը չունեք կամ այն կծու չէ, ապա կարող եք կարմիր կծու պղպեղ փոշի ավելացնել, կարելի է և թարմ չիլի պղպեղի մի քանի շերտ, համեմունքների առատությունը վրացական ուտեստներին բնորոշ է
- Աղն էլ չենք մոռանում ցանել ըստ համի
- Համեմունքերը ցանելուց և խառնելուց հետո արդեն փակում ենք կափարիչը մոտ 5 րոպեով, որպեսզի միջից էլ եփվեն կարտոֆիլն ու միսը
- Այդքանը բավարար է, արդեն բույրիը հիացնում է, խառնենք և անջատենք կրակը, անմիջապես լցնենք կավե նման կեցցի մեջ, աշխատենք ձիթայուղն էլ առատ լինի մեջը և մատուցենք
- Մատուցելուց պետք է թարմ կանաչին շաղ տանք վրան, ժպտանք հյուրասիրելուց անպայման, և սկսենք ուտել, քանի որ Այս հյութեղ և համեղ օջախուրին այսքան պատրաստելուց հետո հերոսություն է այսքան սպասելը։
Օջախուրի․Վրացական Ընտանեկան Ուտեստ Տեսանյութ
Դե ինչ, բարի ախորժակ։