Օրիգինալ դդմիկը կարելի է եփել տարբեր եղանակներով: Բոլոր դեպքերում ստացվում է շատ համեղ, թե բարդ, թե պարզ եղանակով պատրաստելիս:
Առաջարկում եմ քնջութի սերմերով դդմիկի ամենապարզ նախուտեստի բաղադրատոմսը։
Օրիգինալ դդմիկ. Անհրաժեշտ բաղադրիչները
_Դդմիկ 500 գր
_Ալյուր 2 ճաշի գդալ
_Օսլա 2 ճաշի գդալ
_Աղ, պղպեղ, համեմունքներ՝ ըստ ճաշակի
_Անուշաբույր կանաչիներ՝ ըստ ճաշակի
_Սխտոր 2 պճեղ
_Ձու 3 հատ
_Բուսական յուղ՝ տապակելու համար
_Քնջութ՝ ըստ ճաշակի
Օրիգինալ դդմիկ. Պատրաստման եղանակը
_Ընտրել երիտասարդ դդմիկ, որպեսզի չհեռացնեք կեղևը, կարելի է ուղղակի պատառաքաղով քերել ամբողջ երկարությամբ։
_Կտրատել միջին կտորներով:
_Ալյուրը խառնել օսլայի հետ, ավելացնել աղ, պղպեղ, տարբեր համեմունքներ և անուշաբույր կանաչիները:
_Ստացված զանգվածը լցնել տոպրակի մեջ, ավելացնել դդմիկի կտորները և խառնել։
_Ձուն հարել աղով և տարբեր համեմունքներով։
_Դդմիկը լցնել ձվի մեջ, խառնել ու տապակել բուսայուղի մեջ։
_Հանել մատուցման ափսեի վրա, ցանել քերած սխտոր, քնջութ և մանրացված սամիթ։
Այսպիսի հյութեղ, խրթխրթան դդմիկ կարելի է մատուցել տարբեր սոուսների, կողմնակի ուտեստների հետ, դրանք լավ են և՛ տաք, և՛ սառը վիճակում:
Բարի ախորժակ:
Տեսանյութ
Դդմիկով կոտլետ շատ հեշտ և համեղ
